Ba Temwe ba Yehowa abakuminaa shi Efile Mukulu bapangile bintu munda mwa mafuku asamombo a nsaa 24 su?

Nya. Ba Temwe ba Yehowa abakuminaa shi Efile Mukulu bapangile bintu byooso. Kadi t’atukuminaa shi bapangile bintu munda mwa mafuku asamombo e na nsaa 24 nya. Bwakinyi? Mwanda byabya binangu byooso mbikutwene na malongyesha a mu Bible. Banda kutala bino bileshesho bibidi:

1. Bula bwa mafuku asamombo a kupanga. Bangi bantu abakuminaa bino binangu abamba shi mafuku asamombo a kupanga ngano e na nsaa 24. Kadi mwaku “ efuku” mu Bible ngulombeene kupushisha bula bwa kipungo kampanda.​—Kibangilo 2:4; Misambo 90:4.

2. Bungi bwa bipwa bibapu kukila kasha bapanga nsenga. Baaba bantu abalongyeshaa shi nsenga ngipangibwe takudi penda bipwa binunu ndambo. Byabya, muyiile abyamba Bible, eyilu na nsenga mbipangibwe kumpala kwashi mafuku asamombo akupanga abangye. (Kibangilo 1:1) Bwa wawa mwanda, ba Temwe ba Yehowa t’abapelaa bino abilesha beena sianse shi nsenga ngipangibwe takudi bipwa midiyala.

Sunga ba Temwe ba Yehowa abakuminaa shi bintu mbipangibwe, t’atupelaa myanda ya sianse nya. Atukuminaa shi myanda ya sianse ya binyibinyi ngipushene na abilongyesha Bible.