Abitungu tukite kinyi bwa kusankisha Efile?

Tokitanga myanda ibubi. 1 Beena-Kodinda 6:9, 10

Su twi bafule Yehowa, tatwikukita myanda yadi mushikwe.

Yehowa ta kumiina kwitumona atuyibi, atukolo malofu, sunga atutomo bintu bu kabangi.

Efile mushikwe kwipayishena, kukaasha mayimi, na balume abamono balume naabo bu bakashi na bakashi abamono bakashi naabo bu balume. Ta mukumiine twekala basha malaka sunga twalwa ngoshi.

Tatwi bakumbeene kulangwila ma nkishi ata kwikala na malenganyi nya.

Mu Mpaladiiso a kafiki pa nsenga ta mukekala bantu abakitshi myanda ibubi nya.

Kita myanda ibuwa. Mateo 7:12

Bwa kusankisha Efile, abitungu tukite mwetu mooso bwa kulonda kileesho kyaye.

Ikala na kalolo na kupaana bwa kuleshashi we mufule bangi bantu.

Ikala muntu mululame.

Ikala muntu a lusa afwila beenaye lusa.

Lungula bangi bantu pabitale Yehowa na mashinda aaye.​—Yeeshaya 43:10.