5
Mukandu wi mu Bible
Yehowa Efile Mukulu e na matalwa a kukunkusha. Mushindo waye wa kukunkusha ngukile buwa. Mpàngo yaye pabitale nsenga na bantu ayikyebe kulombana.
Kunyima kwa 4026 Eb.Y.K. “Nyoka” baadi mwele matalwa na mushindo wa kukunkusha wa Yehowa mpaka. Yehowa mulee bwa kutuusha “kekulu” sunga “lubyo” alukyebe kusoosa nyoka Satana binobino. (Kibangilo 3:1-5, 15, mayi a kushi kw’esaki) Kadi Yehowa mulekye kipungo kyashi bantu bekunkushe abo banabeene ku matalwa a nyoka. |
1943 Eb.Y.K. Yehowa alungula Abrahame shi “kekulu” kabadi balee akakyebe kutukila mu bekulu baaye.—Kibangilo 22:18. |
Kunyima kwa 1070 Eb.Y.K. Yehowa ashinkamiisha Daviide na kunyima mwan’aye Salomone shi “kekulu” kabadi balee akakyebe kutukila mu kifuko kyabo.—2 Samwele 7:12, 16; 1 Bansushi 9:3-5; Yeeshaya 9:6, 7. |
29 K.Y.K. Yehowa alesha Yesu bu “kekulu” kabadi balee bwa kwikala mpyanyi a bufumu bwa Daavide.—Beena-Galate 3:16; Luuka 1:31-33; 3:21, 22. |
33 K.Y.K. Nyoka Satana mmusume “kekulu” bwa kapindi kapela pa’ye kwipayisha Yesu. Yehowa nkusangusha Yesu bwa kwikala na muwa mwiyilu na kukumiina muulo winao muwa wa Yesu upwidikye, na kutuusha mushindo wa kulekyela milwisho na kupa bana ba Adame muwa wa looso.—Kibangilo 3:15; Bikitshino 2:32-36; 1 Beena-Kodinto 15:21, 22. |
Peepi na 1914 K.Y.K. Yesu basumbula nyoka Satana pa nsenga, na kumulama panka bwa kapindi kapela.—Bifunbulwe 12:7-9, 12. |
Mu mafuku aafiki Yesu eele Satana mu lukano bwa bipwa 1 000 akupu amubutule, bino abilesha kumusoosa ku mutwe. Mpàngo ya Yehowa pabitale nsenga na bantu ibakumbana, eshina dyaaye dibatoshibwa, na bibamweka shi mushindo waye wa kumunana nyi wibuwa.—Bifumbulwe 20:1-3, 10; 21:3, 4. |