Mukandu wi mu Bible nguimene pa Bufumu bu’Efile Mukulu. Yehowa akafubisha buno Bufumu bua kulombasha mpango yaye ya ku kibangilo pa bitale nsenga. Bufumu bu’Efile Mukulu nkinyi? Atuku naminyi’shi bukuete kumunana? Mbupue kukita kinyi? Na abukakitshi kinyi? Dino dilongiesha na angi abidi aalondo aakalula ku ino nkonko.

1. Bufumu bu’Efile nkinyi, na Mfumu abo nnanyi?

Bufumu bu’Efile nyi mbulamatadi abadi batule kui Yehowa. Mfumu abo Yesu Kidishitu, kuete kumunana muiyilu. (Mateo 4:17; Yowano 18:36) Bible akula pabitale Yesu’shi: ‘Akabikala loso . . . bu Mfumu.’ (Luka 1:32, 33) Bu bi Yesu Mfumu a Bufumu bu’Efile Mukulu, akamunana pa nsenga yoso ishima.

2. Mba nnanyi abakamunana na Yesu?

Yesu takamunana bupenka nya. Bantu ba “kisamba kioso, na edimi dioso, na muilo n’eumbo dioso . . . abakamunana pa nsenga.” (Kibafumbwilwe 5:9, 10, Kilombeno kipya 2014) Mbantu bungi kinyi abakamunana na Kidishitu? Kubanga pabafikile Yesu pa nsenga, midiyo ya bena Kidishitu mbafikie balongi baye. Kadi nka penda bantu 144 000 nyi abakamunana na Yesu muiyilu. (Badika Kibafumbwilwe 14:1-4.) Bangi bena Kidishitu boso abakashala pa nsenga abakakunkushibua na buabua Bufumu.​—Misambo 37:29.

3. Bufumu bu’Efile Mukulu mbukile mbulamatadi ya bantu naminyi?

Sunga biekala’shi apakunkusha bantu abatompaa kukita mianda i buwa, ta be na bukome bua kukita bioso biabakumina nya. Abebapianaa kui bangi bakunkushi bashi na binangu bia kukuasha bantu. Anka, Yesu Mfumu a Bufumu bu’Efile Mukulu, ta bakamupiana kui ungi muntu nya. Efile muntule “bufumu bushyabukalwishibwa.” (Ndanyele 2:44) Yesu akamunana pa nsenga yoso ishima, na takekala na ntondo. E na kifulo, kalolo, na kululama, na akalongiesha bantu bua kuikitshishena mianda nka mu wawa mushindo umune.​—Badika Yeeshaya 11:9.

4. Mbulamatadi e bukome akamunu pa nsenga ishima

Yesu Kidishitu e na bukome kukila bangi ba mfumu boso. Badika Mateo 28:18, akupu nuisambile luno lukonko alulondo:

• Matalua a Yesu ngakile a bakunkushi ba bantu naminyi?

Mbulamatadi ya bantu ayishintulukaa, na mfumu oso akunkushaa penda kapindi ka nsenga. Tui kuamba naminyi bua Bufumu bu’Efile Mukulu? Badika Ndanyele 7:14, akupu nuisambile ino nkonko ailondo:

• Buakinyi abisankisha pa kuuka’shi Bufumu bu’Efile Mukulu “tabukabutulua”?

• Buakinyi abisankisha pa kuuka’shi abukakunkusha pa nsenga ishima?

5. Mbulamatadi ya bantu abakeyipiana

Buakinyi abitungu’shi Bufumu bu’Efile bupiane mbulamatadi ya bantu? Tala VIDEO, akupu nuisambile luno lukonko alulondo.

VIDEO: Bufumu bw’Efile Mukulu nkinyi?​—Kapindi (1:41)

• Bukunkushi bua bana ba bantu mbutushe bipeta kinyi?

Badika Mulungudi 8:9, akupu nuisambile ino nkonko ailondo:

• Onangushena’shi Bufumu bu’Efile bui kupiana bua bana ba bantu su? Buakinyi wamba biabia?

6. Mukunkushi a Bufumu bu’Efile Mukulu aketupushisha

Muanda Mfumu etu Yesu, badi bu muntu, e “kufwambuka neetu mu kubofula kwetu.” (Bena-Ebelu 4:15) Yehowa musangule bantu bakashi na balume basha lulamato 144 000 abakamunana na Yesu bua kukunkusha “bantu ba bisamba byoso, na ba ndjimi yoso, na ba milo yoso mpa na ba maumbo oso.”​—Kibafumbwilwe 5:9.

• Kuka’shi Yesu na b’akamunana nabo abauku bi nshalelo a bu muntu abikunyingisha su? Buakinyi wamba biabia?

7. Bufumu bu’Efile Mukulu bui na miya ikile buwa

Mbulamatadi elaa miya bua kukuasha na kukaluila bantu. Na Bufumu bu’Efile namu bui na miya aitungu’shi bantu be muanka beilonde. Badika 1 Bena-Kodinda 6:9-11, akupu nuisambile ino nkonko ailondo:

• Omono’shi nsenga i kuikala naminyi su bantu boso abakokiela miya y’Efile Mukulu?a

• Omono’shi Yehowa e na kabingilo ka kuelela bantu be mu Bufumu buaye miya ya kulonda su? Buakinyi wamba biabia?

• Nkinyi akilesha’shi bantu basha balondo ino miya be kushintuluka?​—Tala verse 11.

MU KIKOSO

Bufumu bu’Efile Mukulu mbulamatadi a binyibinyi e muiyilu, akamunana pa nsenga ishima.

Kuambuula

• Mba nnanyi abakakunkusha Bufumu bu’Efile Mukulu?

• Bufumu bu’Efile Mukulu mbukile bua bantu naminyi?

• Yehowa atengiela’shi bantu be mu Bufumu buaye bakite ingi mianda kinyi?

TALUULA DINGI

Tala abiakula Yesu pabitale mbalo i Bufumu bu’Efile Mukulu.

“Bufumu bu’Efile Mukulu bui muishimba diobe su?” (Muisambo wi mu Internete)

Buakinyi ba Temwe ba Yehowa mbalamate ku Bufumu bu’Efile pamutue pa bua bana ba bantu?

Lamata ku Bufumu bu’Efile (1:43)

Tala a kilesha Bible pabitale bantu 144 000 babadi basangule kui Yehowa bua nkamunana na Yesu.

“Mba nanyi abende muiyilu?” (Muisambo wi mu Internete)

Nkinyi kibadi kishinkamiishe ungi muana mukashi badi mu lukano’shi nka penda Efile nyi e kufuisha kululama pa nsenga?

“Nandi mutundule akikapu kukutua kua kululama” (Pasukayi!, 11/2011)

Bufumu bu’Efile Mukulu bubabangile kumunana muiyilu mu 1914. Nyi kipua kibabangile kipungo kia mafuku a ku nfudilo. Atuibiuku naminyi? Tutale bibatemukile Bible mianda ikuete kukitshika mu nsenga, na bi muikelo wa bantu kubanga mu 1914.

1. Matemuki a mu Bible aalesha kinyi?

Mukanda wa mu Bible wa Ndanyele aulesha’shi Bufumu bu’Efile bubadi na kia kubanga kumunana ku nfudilo kua kipungo kiabetamina bu “bipungo musambobidi.” (Ndanyele 4:16, 17) Kunyima kua siekele ibungi, Yesu balesheshe kiakia kipungo kimune bu “kipungo kitshibibwe bwa bantu ba ingi miilo,” na balongieshe’shi takibadi kibande kupua nya. (Luka 21:24, NWT) Nka bu biatukiebe kuibimona, bipungo musambobidi bibapuile mu 1914.

2. Mmianda na muikelo kinyi bikuete kumueneka pa nsenga kubanga mu 1914?

Balongi ba Yesu babamuipuishe’shi: “Etulungule kitundwilo kya kufika kwobe na kya nfudiilo a bya pano?” (Mateo 24:3) Yesu bakuile mianda i bungi ibadi na kia kukitshika kunyima kuaye kubanga kumunana muiyilu bu Mfumu a Bufumu bu’Efile Mukulu. Mu yaya mianda mui ngoshi, nsala, na kutshinkatshinka kua nsenga. (Badika Mateo 24:7.) Bible badi muakule dingi’shi muikelo wa bantu ba mu “mafuku a ku nfudilo” awikasha nshalelo “bukopo.” (2 Timote 3:1-5) Ino mianda na uno muikelo bibabangile bikishekishe mu 1914.

3. Buakinyi mianda nginyishe kuluila pababangile kumunana kua Bufumu bu’Efile Mukulu?

Mafuku apela kunyima kua Yesu kuikala Mfumu a Bufumu bu’Efile, babangile kulua ngoshi muiyilu na Satana na bademo baye. Yesu batshokuele Satana. Bible akula’shi ‘babamusumbwile pa nsenga na ba mikeeyilu baaye pamune naaye.’ (Kibafumbwilwe 12:9, 10, 12) Satana e na nsungu i bungi muanda auku’shi abakamubutula. Biabia, kuete kufuisha nkalakashi na makienga pa nsenga ishima. Nyi buakinyi mianda ngiluile pa nsenga! Bufumu bu’Efile Mukulu abukapudisha ino mianda yoso.

TUKIMBUULE BOSO

4. Kuilondena kua mianda ya mu Bible pabitale 1914

VIDEO: Bufumu bu’Efile bubabangile kumunana mu 1914 (5:02)

Efile Mukulu balesheshe Mfumu Nabukondonozore a mu Babylone a kala mianda aikakitshika mu mafuku e kumpala mu kilotua. Kiakia kilotua na bibadi Ndanyele muikipatuule, abilesha’shi nkitale kumunana kua Nabukondonozore na Bufumu bu’Efile Mukulu.​—Badika Ndanyele 4:17.a

Badika Ndanyele 4:20-26, akupu ofubishe kashibo bua kualula ino nkonko ailondo:

• (A) Nkinyi kibamuene Nabukondonozore mu kilotua?​—Tala verse 20 na 21.

• (B) Nkinyi kibadi kikitshikile mutshi?​—Tala verse 23.

• (C) Nkinyi kibadi na kiakukitshika ku nfudilo kua “bipungo musambobidi”?​—Tala verse 26.

Bipushene kilotua kia mutshi na Bufumu bu’Efile Mukulu

BUTEMUKI (Ndanyele 4:20-36)

Kumunana

(A) Mutshi ukata

Kumunana kubaimana

(B) ‘Babashindi mutshi,’ na babeulekie munda mua “bipungo musambobidi”

Kualushula dingi bufumu

(C) ‘Abakakwalwisha dingi bufumu boobe’

Kulombana kua kipindi kia kumpala kia buno butemuki . . .

• (D) Mutshi ubadi aulesha muntu kinyi?​—Tala verse 22.

• (E) Nkumunana kua muntu kinyi kubemene?​—Badika Ndanyele 4:29-33.

• (F) Nkinyi kibadi kifikile Nabukondonozore ku nfudilo kua “bipungo musambobidi”?​—Badika Ndanyele 4:34-36.

KULOMBANA KUA KUMPALA

Kumunana

(D) Nabukondonozore, Mfumu a Babylone

Kumunana kubaimana

(E) Kunyima kua kipua kia 606 K.B.B., Nabukondonozore bapaukile mombe na akutua bia kukunkusha munda mua bipua musambobidi

Kualushula dingi bufumu

(F) Mombe wa Nabukondonozore ubapu na babanga dingi kukunkusha

Kulombana kua kipindi kia kabidi kia buno butemuki . . .

• (G) Mutshi ubadi aulesha nnanyi?​—Badika 1 Myanda 29:23.

• (H) Kumunana kuabo kubemene mafuku kinyi? Mbikunyi biatukushi tababadi abakunkusha pabadi Yesu pa nsenga?​—Badika Luka 21:24.

• (I) Nsaa kinyi na mbalo kinyi ibabadi balushule buno bufumu?

KULOMBANA KUA KABIDI

Kumunana

(G) Ba mfumu ba isaleele abalesha bukunkushi bu’Efile Mukulu

Kumunana kubaimana

(H) Bababutula Yelushaleme, kumunana kua ba Mfumu ba Isaleele kubemene munda mua bipua 2 520

Kualushula dingi bufumu

(I) Yesu babanga kumunana muiyilu bu Mfumu a Bufumu bu’Efile Mukulu

5. Mianda ngishintulukie pa nsenga kubanga mu 1914

Tala VIDEO.

VIDEO: Mianda ngishintulukie pa nsenga kubanga mu 1914 (1:10)

Yesu bakuile mianda aikakitshika pa nsenga kunyima kuaye kuikala bu Mfumu. Badika Luka 21:9-11, akupu nuisambile luno lukonko alulondo:

• Topuile kumona ino mianda sunga kuiyipusha su?

Mpoolo mutumibua balesheshe abikekala bantu ba mu mafuku a ku nfudilo mu bukunkushi bua bana ba bantu. Badika 2 Timote 3:1-5, akupu nuisambile luno lukonko alulondo:

• Topuile kumona bantu be na uno muikelo su?

6. Kumunana kua Bufumu bu’Efile Mukulu a kuitunyingisha

Badika Mateo 24:3, 14, akupu nuisambile ino nkonko ailondo:

• Mudimo kinyi wi na muulo ukuete kukitshika lelo uno aulesha’shi Bufumu bu’Efile bukuete kumunana?

• We kukuatshishena uno mudimo naminyi?

Bufumu bu’Efile bukuete kumunana, na mu mafuku apela abubanga kumunana pa nsenga. Badika Bena-Ebelu 10:24, 25, akupu nuisambile luno lukonko alulondo:

• Nkinyi kiatudia kukita bu “bia tumono’shi efuku dya Mwanana dibesesela peepi”?

MU KIKOSO

Matemuki a mu Bible, kuilondena kua mianda, na nshalelo e pa nsenga abishinakamisha’shi Bufumu bu’Efile Mukulu bukuete kumunana. Atulesha’shi atukumina uno muanda, patulungula pabitale Bufumu na kutuela mu bisangilo bia kakongye.

Kuambuula

• Mianda kinyi ibadi ikitshikie ku nfudilo kua bipungo musambobidi biabadi bakuile mu Bible mu mukanda wa Ndanyele?

• Nkinyi akikushinkamisha’shi Bufumu bu’Efile bubabangile kumunana mu 1914?

• We kulesha naminyi’shi okumina’shi Bufumu bu’Efile bukuete kumunana?

TALUULA DINGI

Tutale abilesha bafundi ba mianda ya kala na bangi pabitale bishintulukie mianda pa nsenga kubanga mu 1914.

“Nkipungo kinyi kibabangile kuluila ngikashi ya bantu musango umune?” (Pasukayi!, 4/2007)

Badika bibadi butemuki bui mu Mateo 24:14 na bukitshishi mu nshalelo a ungi muana mulume.

“Nadi mukumine kwasha ndundo a ku maboko kukila bingi bintu byoso!” (Kitenta kia Mulami, No. 3 2017)

Atuku naminyi’shi butemuki bui Ndanyele shapitre 4 mbutale Bufumu bu’Efile Mukulu?

“Bufumu bu’Efile bubabangile kumunana mafuku kinyi? (Kipindi 1)” (Kitenta kia Mulami, 1/10/2014)

Nkinyi akilesha’shi “bipungo musambobidi” bi mu Ndanyele shapitre 4 bibapuile mu 1914?

“Bufumu bu’Efile bubabangile kumunana mafuku kinyi? (Kipindi 2)” (Kitenta kia Mulami, 1/11/2014)

Bufumu bu’Efile Mukulu mbupue kubanga kumunana. Binobino abushintula mianda i bungi pa nsenga. Tutale ingi mianda i buwa yodia kukulupila mu kumunana kua Bufumu bu’Efile Mukulu Mukulu.

1. Bufumu bu’Efile Mukulu abukalusha butaale na kululama pa nsenga naminyi?

Yesu Mfumu a Bufumu bu’Efile Mukulu, akabutula bantu boso be bubi na mbulamatadi ya bantu ku ngoshi ya Harmagedone. (Kibafumbwilwe 16:14, 16) Mu yaya nsaa, uno mulailo wa mu Bible wa’shi: “Kapindji n’aka taakwikala mubi dimo” aukalombana. (Misambo 37:10) Ku bukuashi bua Bufumu bu’Efile Mukulu, Yesu akatulu butaale na kululama pa nsenga.​—Badika Yeeshaya 11:4.

2. Nshalelo akekala naminyi pa nsenga mu Bufumu bu’Efile Mukulu?

Mu Bufumu bu’Efile Mukulu, ‘balulame abakapiana nsenga, beemushale looso.’ (Misambo 37:29) Nangushena’shi we mushale pa nsenga pe bantu boso mbalulame na mbafule Yehowa na bantu nabo! Takui muntu e na maladi, boso be na muwa wa loso.

3. Bufumu bu’Efile Mukulu abukakitshi kinyi kunyima kua kubutula bantu babi?

Kunyima kua kubutula bantu be bubi, Yesu akamunana munda mua bipua 1 000. Mu kiakia kipungo, aye na bantu 144 000 bakakunkusha nabo, abakakuasha bantu bua kuikala bapuidikie na bashi na miluisho. Ku nfudilo kua kiakia kipungo, nsenga aikaluka mpaladiso e buwa, iule na bantu be na muloo autukila mu kukokiela miiya y’Efile Mukulu. Kunyima, Yesu akaluisha Nshaye Yehowa bufumu. “Eshina [dya Yehowa adikende] tumbo” biabishekele dingi kashaa. (Mateo 6:9, 10) Abikashinkamisha’shi Yehowa nyi Mukunkushi e buwa apasukilaa bantu baye. Yehowa akabutula Satana na ba demo baye na boso abakatombokiela bukunkushi Buaye. (Kibafumbwilwe 20:7-10) Bufumu bu’Efile Mukulu abukafuisha nshalelo mupuidikie bua loso.

TUKIMBUULE BOSO

4. Bufumu bu’Efile Mukulu abukakasha mbulamatadi ya bantu

“Muntu amunu muntu naaye bwa kumumwesha malwa.” (Mulungudi 8:9, NWT) Bino abilesha’shi mu buno Bufumu, Yehowa akakasha kukutua kua kululama.

Badika Ndanyele 2:44 na 2 Bena-Tesalonika 1:6-8, akupu nuisambile ino nkonko ailondo:

• Yehowa na muana’aye Yesu, abakakitshi kinyi na mbulamatadi ya bantu na boso bakuete kuibakuatshishena?

• Biodi mulongie pabitale Yehowa na Yesu, abikushinkamisha naminyi’shi abakakitshi mianda na kululama?

5. Yesu nyi Mfumu e buwa

Bu biadi Mfumu a Bufumu bu’Efile Mukulu, Yesu akakuasha bantu be pa nsenga mu mishindo i bungi. Tala VIDEO bua kumona’shi Yesu akumina kukuasha bantu, na’shi Yehowa mumupe bukome bua kuibikita.

VIDEO: Yesu balesheshe abikakitshi Bufumu bu’Efile Mukulu (1:13)

Pabadi pa nsenga, Yesu balesheshe mianda yabakakitshi kui Bufumu bu’Efile Mukulu. Ku ino miabi yabadi batemune pano, ngikunyi yokumina nkamona? Badika bifundue abilesha kulombana kua ino miabi.

6. Bufumu bu’Efile Mukulu abukekasha mafuku aafiki e buwa

VIDEO: Abikala nshalelo e buwa a mafuku aafiki (4:38)

Badika Misambo 145:16, akupu nuisambile luno lukonko alulondo:

• Opusha naminyi pa kuuka’shi Yehowa ‘akekutshisha bipangua bi na muwa byoso’?

MU KIKOSO

Bufumu bu’Efile Mukulu abukalombasha mpango yaye. Abukalula nsenga ifikie mpaladiso, muule bantu be buwa abalanguila Yehowa bua loso.

Kuambuula

• Bufumu bu’Efile Mukulu abukatumbisha eshina dia Yehowa naminyi?

• Buakinyi atukumina’shi Bufumu bu’Efile Mukulu abukalombasha matemuki oso a mu Bible?

• Mianda kinyi ayikalombasha Bufumu yokumina nkamona?

TALUULA DINGI

Tala akipatula Harmagedone.

“Ngoshi ya Harmagedone nkinyi?” (Muisambo wi mu Internete)

Tala mianda ayikakitshika mu nsaa ya kiakia kibaadi Yesu muitamine bu “mpombo ikata.”​—Mateo 24:21

“Mpombo Ikata nkinyi?” (Muisambo wi mu Internete)

Tala bilombene bena kifuko kunangushena pamune pabitale miabi aikafiki mu Bufumu bu’Efile Mukulu.

Emone bu e mu mpaladiso (1:50)

Tala bibadi ungi ntomboshi muina politike mupete kibadi akimbi mu muisambo awamba’shi: “Nadi nakalakashua na mianda i bungi.”

“Bible kwete kushintula bantu” (Kitenta kia Mulami, 1/1/2012)