DILONGIESHA 47
We mupue kuilumbuula bua kubatshishibua su?
We mupue kulonga mianda ibungi pabitale Yehowa, ku bukuashi bua kulonga kobe kua Bible. Kushi mpaka, we mushintule ingi mianda mu nshalelo oobe bua kutumikila mianda yodi mulongie. Anka, kui kuikala ungi muanda aukukutshishua bua kuilambula kui Yehowa na kubatshishibua. Dino dilongiesha adisambila ingi mianda ayikutshishaa bantu bua kubatshishibua, na biodi mulombene kuiyikambila.
1. Abitungu’shi oukie mianda bungi kinyi kumpala kua kubatshishibua?
Bua kubatshishibua, abitungu wekala na “kyuukilo kya biinyibiinyi.” (1 Timote 2:4) Bino t’abipushisha’shi abitungu oukie ngaluulo yoso ya ku nkonko ya mu Bible yabakuele kumpala kua kubatshishibua nya. Sunga bena Kidishitu bapue kubatshishibua takudi bipua bibungi, bakuete kutungunuka nka na kulonga. (Bena-Kolose 1:9, 10) Anka, abitungu wekale na mpushisho a kitako a malongiesha a mu Bible. Bakulu ba mu kakongye abakukuasha bodia kuuka su we na kiukilo kikumbane.
2. Ngingi mianda kinyi ayitungu’shi okite kumpala kua kubatshishibua?
Kumpala kua kubatshishibua, abitungu ‘welangie kuishiimba . . . na kualukiila.’ (Badika Bikitshino 3:19.) Bino abilesha’shi, abitungu wenyongole bua miluisho yoso ibodi mukite na kuteka Yehowa bua’shi akufuile lusa. Abitungu dingi kuleka kukita mianda ibubi na kuata kishibilo kia kuikala na nshalelo asankisha Efile Mukulu. Dingi, bibuwa kubanga kukita midimo ya mu kakongye bu kutuela mu bisangilo na kulungula mukandu wibuwa bu mulungudi shabandile kubatshishibua.
3. Buakinyi t’abitungu kutshina bua kubatshishibua?
Bangi abapushaa moo wa’shi tala bakutua koobesha bua kukumbasha bibaabadi balee Yehowa. Eyendo, ingi nsaa okakitshi bilubilo, sunga bangi balume na bakashi basha lulamato babadi batemune mu Bible babaadi bebikite namu. Anka Yehowa t’atekie’shi bafubi baye bekale bapuidikie. (Badika Misambo 103:13, 14.) E na muloo nsaa yu’etatshisha bua kukita muyile ngobesha yobe! Akakukuasha. Biabia, Yehowa etushinkamiisha’shi “takui kintu kilombene kuitulamuuna ku kifulo [kiaye].”—Badika Bena-Loma 8:38, 39.
TUKIMBUULE BOSO
Tutale biodi mukumbene kukambila mianda yoso ilombene nkukutshishua bua kubatshishibua pa kuuka Yehowa kalolo na kukumina bukuashi buaye.
4. Kimba bia kuuka Yehowa kalolo
Abitungu’shi oukie Yehowa naminyi kumpala kodia kubatshishibua? Abitungu omuukie kalolo bia kumufula na kukimba bia kumusankisha. Tala VIDEO bua kumona bibadi bibikite balongi ba Bible ba mu nsenga ishima. Akupu, nuisambile luno lukonko alulondo.
Mu video, nkinyi kibadi kikuashe bangi bantu bua kuilumbuula na kubatshishibua?
Badika Bena-Loma 12:2, akupu nuisambile ino nkonko ayilondo:
We na mpaka pabitale abilongiesha Bible sunga pabitale bia binyibinyi abilongieshaa ba Temwe ba Yehowa?
Su we nayo, nkinyi kiodi mulombene kukita?
5. Kambila mianda ayikambaa kukutshishua bantu bua kubatshishibua
Nsaa y’atuata kitshibilo kia kuilambula kui Yehowa na kubatshishibua, atukapete nkalakashi. Bua kumona kileshesho, tala VIDEO, akupu nuisambile ino nkonko ayilondo.
Muyile bibatumono mu video, mianda kinyi ibadi Narangerel na kia kukambila bua kufubila Yehowa?
Kifulo kiaye bua Yehowa kibadi kimukuashe naminyi bua kukambila yaya nkalakashi?
Badika Nkindji 29:25 na 2 Timote 1:7, akupu nuisambile luno lukonko alulondo:
Nkinyi akitupeyaa bukome bua kukambila nkalakashi?
6. Kulupila bukuashi bua Yehowa
Yehowa akakukuasha bodia kumusankisha. Tala VIDEO, akupu nuisambile ino nkonko ayilondo.
Muyile bibatumono mu video, nkinyi kibaadi akikutshishua mulongi a Bible bua kubatshishibua?
Nkinyi kibadi mulongie kibadi kimukuashe bua kunyingisha lukulupilo luaye mui Yehowa?
Badika Yeeshaya 41:10, 13, akupu nuisambile luno lukonko alulondo:
Buakinyi abitungu wekale mushinkamishe’shi okakumbasha mulayilo wobe ubodi mulee efuku dibodi muilambule?
7. Lesha lutumbu bua kifulo kia Yehowa
P’onyisha kunangushena pabitale bikufule Yehowa, onyisha kumulesha lutumbu na, abikutakula bua kumufubila bua loso. Badika Misambo 40:5, akupu nuisambile luno lukonko alulondo:
Mmiabi kinyi ayifiki kui Yehowa y’osangelaa ngofu?
Mutemuki Yeelemiya baadi mufule Yehowa n’Eyi diaye na, badi asankila kinemo kia kuitaminyibua muishina dia Yehowa. Bakuile’shi: “Eyi dyoobe dibansangulusha, dibampa mwabi ukata. Babangabikiisha eshina diobe, Yehowa Efile Mukulu.” (Yeelemiya 15:16) Alula ku ino nkonko:
Buakinyi kuikala Temwe a Yehowa nkinemo kikata?
Okumina kubatshishibua bua kuikala Temwe a Yehowa su?
Kui kintu kampanda akikukutshishua bua kuibikita su?
Nkinyi akitungu’shi okite bodia kulombasha mianda itekibue bua kubatshishibua?
BANGI ABAMBA’SHI: “Ne na moo tala nakutua kulombasha mianda yoso yanketshipi bua kulombasha pa kubatshishibua.”
Nyi biokuete kuipusha namu su?
MU KIKOSO
Ku bukuashi bua Yehowa, we kukambila kintu kioso kilombene nkukutshishua bua kubatshishibua.
Kuambuula
Abitungu oukie mianda bungi kinyi ya mu Bible kumpala kua kubatshishibua?
Mianda kinyi ayitungu’shi oshintule kumpala kua kubatshishibua?
Buakinyi t’abitungu’shi otadiile moo ukukutshishe kubatshishibua?
TALUULA DINGI
Tala mianda ilombene nkukuasha pabitale kitshibilo kiobe kia kubatshishibua.
“Bopu kwilumbuula bwa kubatshishibwa su?” (Kitenta kia Mulami, 3/2020)
Tala biodi mulombene kukambila nkalakashi ilombene nkukutshishua bua kubatshishibua.
“Kya kunkutshishwa kubatshishibwa nkinyi?” (Kitenta kia Mulami, 3/2019)
Tala bibadi ungi muntu mukambile mianda i bukopo ibaadi ayimukutshisha bua kubatshishibua.
Kumpala, ungi muana mulume abetamina bu Ataa badi ekaka bua kubatshishibua. Tala kibadi kimukuashe bua kuela dino etabula di na muulo.