DILONGIESHA 36
Ikala na kululama mu mianda yoso
Muntu oso akumina ba kuku be na kululama. Na Yehowa namu akumina’shi ba kuku baye bekale na kululama. Anka bino ta mbibofule bu biatudi mu nsenga mui bantu bashi na kululama. Miabi kinyi yatupete patudi na kululama mu mianda yoso?
1. Nkabingilo kinyi ke na muulo ukata ka kuikala na kululama?
P’atudi na kululama kui bangi, atulesha Yehowa’shi tui bamufule na atumunemeka. Banda kutala: Yehowa auku mianda yoso y’atunangushena na y’atukitshi. (Bena-Ebelu 4:13) Amono p’atuata kitshibilo kia kuikala na kululama, na ebisangela. Eyi diaye adiamba’shi: “Yehowa mmushikwe bikata bantu bebubi, nyi nkuku a balulame.”—Nkindji 3:32, EEM.
2. Mmu ingi mishindo kinyi muatudia kulesha kululama mu nshalelo etu efuku dioso?
Yehowa etutekie bua’shi ‘tuilungushene mianda ya binyibinyi.’ (Sekadya 8:16, 17) Bino abikiebe kulesha kinyi? Tabitungu’shi tudimbe bena kifuko netu, bena mudimo netu, bakuetu bena Kidishitu, sunga bena mbulamatadi nya. Bantu ba sha kululama tabayibaa bangi sunga kuibadimba. (Badika Nkindji 24:28 na Bena-Efeso 4:28.) Na abafutaa bitadi biabebatekie. (Bena-Looma 13:5-7) Mu ino mianda sunga mu ingi yoso, abitungu tuleshe’shi “twi na mwikelo wibuwa [ululame] mu mianda yoso.”—Bena-Ebelu 13:18.
3. Miabi kinyi ayitukila mu kuikala na kululama?
Patudi na nkumo ya bu bantu basha kululama, bangi abetukulupila. Atukuasha bua’shi muntu oso epushe mu kuiyikela padi mu kakongye, abikalaa muntu e mu kifuko kiabadi befulene. Atuikala na kondo k’eshimba ke selele. Kululama kuetu nkulombene dingi “kupa bulambukishi bu’Efile Mukulu Mupashi etu kinemo,” na kutakula bangi mu kulanguila Yehowa.—Tite 2:10.
TUKIMBUULE BOSO
Tutale bukitshishi bui nabo kululama kui Yehowa na kodi, na olongie biodia kuikala na kululama mu mianda ilekene ya mu nshalelo obe.
4. Kululama akusankisha Yehowa
Badika Misambo 44:21 na Malaki 3:16, akupu nuisambile ino nkonko ailondo:
Buakinyi opuandikisha’shi t’abitungu tufuamishe mianda ya binyibinyi?
Omono’shi Yehowa apushaa naminyi nsaa yuakula mianda ya binyibinyi, sunga pabidi bukopo bua kuibikita?
Bana abasankisha baledi babo nsaa y’abakula mianda ya binyibinyi. P’atuakula bia binyibinyi, atusankisha Yehowa
5. Kita mianda ya kululama nsaa yoso
Bantu bebungi abamona’shi kuikala na kululama ta nkubofule. Anka tala buakinyi bibuwa kuikala na kululama nsaa yoso. Tala VIDEO.
Badika Bena-Ebelu 13:18, akupu nuisambile biatudia kuikala na kululama . . .
na bena kifuko netu.
ku mudimo sunga ku kalasa.
mu ingi mianda.
6. Kululama akuitukuasha
Kululama kui kumueneka bu akuitutuadila nkalakashi. Anka ku nfudilo a bioso, nyi nkintu kikile buwa kukita. Badika Misambo 34:12-16, akupu nuisambile luno lukonko:
Kululama kui kulumbula nshalelo obe naminyi?
Mulume na mukashi basha kululama abanyingishaa dibaka diabo
Bena mudimo basha kululama abebakulupilaa kui bakata babo
Bena eumbo basha kululama abekalaa na nkumo ibuwa kui bena mbulamatadi
BANGI ABAMBA’SHI: “Angi madimi apela ta e na muanda.”
Buakinyi okumina’shi Yehowa mmushikue madimi oso?
MU KIKOSO
Yehowa akumina’shi ba kuku baye bekale na kululama mu bioso biabakitshi na biabakula.
Kuambuula
Tui kuikala na kululama mu ingi mianda kinyi?
Buakinyi tabi buwa kupuandikisha’shi tui kufuamisha mianda ya binyibinyi?
Buakinyi okumina kuikala na kululama nsaa yoso?
TALUULA DINGI
Baledi be kulongiesha bana babo bia kuikala na kululama naminyi?
Buakinyi abitungu’shi tulombashe milayilo yetu?
Tala su tui kufuta bitadi sunga bafubisha aa makuta bi bubi.
“Bitadi—We na kya kuibifuta su?” (Kitenta kia Mulami, 1/9/2011)
Nkinyi kibadi kitakule bantu bashibadi na kululama bua kushintula nshalelo abo na kuikala na kululama?
“Ne mumone bi lusa na kalolo ka Yehowa” (Kitenta kia Mulami, 1/5/2015)