Ngoshi ya mu Ukraine ibanyisha kutuesha nsala mu nsenga ishima

Muifuku dia 19/5/2022, bena Conseil de sécurité des Nations unies, bekeele bapushe bantu bakata ba sha matalua bakile pa 75 abakula’shi; “kipupa kia COVID-19 na kushintuluka kua bipungo kuikeele kufuishe bulanda bua kukutua kua bidiibua, kadi ngoshi ya mu Ukraine ibanyinsha kutuesha nsala mu nsenga ishima.” Kunyima kua mafuku apela, ungi jurnale, (The Economist) akuile’shi: “Ngoshi nyi ikuete kunyisha kuitubofusha na kutuala nsala ikile bungi mu nsenga.” Bible baadi mutemukie’shi mu ano mafuku eetu, kuno kukutua kua bidiibua akuikala kuanka, anka etupa dingi bukuashi pabitale biatudia kuikala mu ano mafuku.

Bible baadi mutemukie’shi akuikala nsala

•  Yesu baadi mutemukie’shi: “Muilo aukebuela ungi muilo ngoshi, na bufumu abukebuela bungi bufumu ngoshi, akukekala bipupa bia nsala.”​—Mateo 24:7, Kilombeno kipya 2014.

•  Mukanda wa mu Bible wa Kibafumbuilue, auleesha bantu bananka ba mu kinfuanyi bakaamine pa nfualasa. Muntu umune mukaamine pa nfualasa aleesha ngoshi. Abamulondo kui ungi aleesha nsala, kuamba’shi, nsaa ayikakutshikua bidiibua na kukaamina muulo bikile. Mukanda wa Kibafumbuilue awakula’shi: “Naamwene nfualasa fiita, baadi mumukaamine baadi mukuate kipimo mwiyaasa. Naapushiishe kintu bu eyi . . . dibaadi adyamba’shi, ‘Kipimo kimune kya bukula kw’efuto dy’efuku! Na bipimo bisatu bya orje bwa kwifuto dy’efuku dyooso.’”​—Kibafumbwilwe 6:5, 6.

Buno butemuki bua mu Bible pabitale kukutua kua bidiibua bukuete kulombana binobino, mu ano mafuku aetamina Bible bu “mafuku a nfudiilo.” (2 Timote 3:1) Bua kuuka bibungi pabitale “mafuku a nfudiilo” na lubilo lua bantu bananka bakaamine pa nfualasa ba mu Kibafumbuilue, tala video akula’shi: Le monde a changé depuis 1914 na kubadika muisambo awamba’shi “Bantu bananka bakaamine pa nfwalasa​—mbantu kinyi?”

Bukuashi abutusha Bible

•  Mu Bible mui malango ebuwa alombene nkukuasha bua kukambila nkalakashi yatukuete kufumanka nayo, mpa na pabitale kukaamina kua muulo kua bidiibua sunga bipupa bia nsala. Tala bingi bileshesho bi mu muisambo awamba’shi: “Mushindo wa koobesha kushaala na penda ekuta dipeela.”

•  Kukatusha biabia, Bible etupa dingi lukulupilo’shi mianda ayilumbuluka. Etulaa’shi kui mafuku ‘a kukekala biakudia bibungi’ na muntu oso ekekala na bidiibua bibungi. (Misambo 72:16) Bua kuuka bibungi pabitale lukulupilo alutusha Bible bua mafuku e kumpala, na buakinyi we kukulupila mu biakula, badika muisambo awamba’shi “Lukulupilo lua binyibinyi bua nshalelo ebuwa mu mafuku e kumpala.”