Yesu baadi muntu ebuwa su?

Lualuulo lua mu Bible

Yesu tabaadi muimene penda pa kuikala muntu ebuwa nya. Mmufikie mukuukibua bu muntu e na bukitshishi bukata mu nshalelo a bantu. Pusha biabadi bafunde kui bano bantu abafundaa mianda ya kaala bende nkumo pabimutale:

“Yesu a mu Nazarete . . . nyi mmuntu a kala muende nkumo.”—H. G. Wells, Muntu a mu Angletere mulongie mianda ya kala.

“Takui muwa pano pa nsenga wi na bukitshishi kukila wa [Yesu], bukitshi buaye bukuete kuenda na kukaamina.”—Kenneth Scott Latourette, Muntu a mu Amerike afundaa mikanda na mulongie mianda ya kala.

Bible alesha buakinyi Yesu baadi na bukitshishi bukata kukila muntu oso ebuwa baadi pano pa nsenga. Pabaadi Yesu muipushe balongi baaye abipuandikisha bantu pabimutale, umune a kuabadi baluluile kalolo’shi: “We Kidishitu, Mwan’Efile Mukulu e na muwa.”—Mateo 16:16.