GOBI

Vend ku njerëzit e Davidit goditën dy herë luftëtarët gjigantë të forcave filistine. (2Sa 21:18, 19) Në tregimin paralel te 1 Kronikave 20:4 thuhet se për herë të parë u ndeshën në «Gezer» («Gath» në disa kopje të Septuagintës greke dhe të Peshitës siriake), ndërsa vendi ku u ndeshën herën e dytë nuk përcaktohet. (1Kr 20:5) Sidoqoftë, në të dy tregimet thuhet se herën e tretë u ndeshën në «Gath» (2Sa 21:20; 1Kr 20:6), ndaj shumë studiues janë të mendimit se «Gob» është gabim i një skribi gjatë kopjimit të emrit «Gath». Mirëpo, të tjerë janë të mendimit se s’ka të ngjarë që një gabim i tillë të ndodh në dy vargje radhazi. Prandaj nxjerrin përfundimin se Gob, thjesht mund të ketë qenë emri i një vendi afër Gezerit që tani nuk dihet ku ndodhej.