Prindërit kundërshtojnë paragjykimin e një mësuesi

Një mësues në shkollën fillore në Kasano Murxhe, Itali, u dha disa nxënësve etiketa për në shtëpi. Këto etiketa, të cilat duhej t’i ngjitnin në derën e jashtme të shtëpisë, mbanin shënimin: «Jemi katolikë. U kërkojmë Dëshmitarëve të Jehovait të mos trokasin në këtë derë.»

Prindërit e disa nxënësve, edhe pse nuk ishin Dëshmitarë të Jehovait, i kundërshtuan fuqimisht veprimet e mësuesit. Sipas gazetës Muoviti Muoviti, prindërit akuzuan se ‘t’u japësh fëmijëve këtë lloj mesazhi ndikon në sjelljen e tyre. Ata mund të refuzojnë këdo që nuk mendon si ata ose të lënë mënjanë dikë, vetëm sepse është «i ndryshëm» nga ana fetare’. Një nënë që i shkroi gazetës, e quajti etiketën «farë egjre, pjellë e injorancës dhe e budallallëkut».

Siç e tregon ky raport, shumë njerëz me mendje të hapur i pranojnë rreziqet që vijnë kur mbillen farërat e paragjykimit. Gjithashtu, ata kanë respekt për shërbimin e krishterë që kryejnë Dëshmitarët e Jehovait kudo në Itali dhe në mbarë botën. Përse të mos u kërkoni Dëshmitarëve të Jehovait ‘një arsye për shpresën që është në ta’? Do të jenë të gatshëm të diskutojnë për të me ju, duke e bërë këtë me «respekt të thellë».​—1. Pjetrit 3:15, BR.