Dashuria e krishterë​—Më shumë se vetëm fjalë

KUR një zjarr u shkatërroi shtëpinë në Trinidad, familja Bartholomju humbi gjithçka që zotëronte, përveç jetës. Një e afërme që jetonte aty pranë i mori në shtëpi, por kjo nuk i dha fund historisë.

Oliv Bartholomju është Dëshmitare e Jehovait dhe pjesëtarët e kongregacionit ku shërben ajo, si edhe ata në zonat përreth, filluan të jepnin kontribute për të rindërtuar shtëpinë që kishte humbur ajo dhe familja e saj. U ngrit një komitet për të mbikëqyrur projektin e rindërtimit dhe filloi puna. Të pranishëm ishin rreth 20 Dëshmitarë, si edhe disa fqinj. Edhe të rinjtë morën pjesë, kurse të tjerët ishin në dispozicion për të ofruar ushqime dhe pije të lehta.

«Familja ime është prekur thellë,​—tha Oliva, siç raportohet në Sunday Guardian të Trinidadit.​—Ata nuk janë Dëshmitarë dhe burri im është ende i shtangur nga ajo që po sheh.»

Duke përmbledhur me pak fjalë këtë përpjekje, koordinatori i projektit të ndërtimit theksoi se këto akte janë vërtet shenja identifikuese të krishterimit të vërtetë. «Ne nuk shkojmë thjesht nga shtëpia në shtëpi duke folur për dashurinë,​—tha ai.​—Po përpiqemi ta vëmë në praktikë atë që predikojmë.»​—Gjoni 13:34, 35.

[Figura në faqen 32]

Oliv Bartholomju me të shoqin