Të ndihmojmë të tjerët për të çmuar vlerën e botimeve tona
1 «Fjala e Perëndisë është e gjallë dhe ushtron fuqi.» (Hebr. 4:12, BR) Meqë botimet tona të bazuara në Bibël ndihmojnë njerëzit të përfitojnë nga fuqia e Fjalës së Perëndisë, ne i përdorim ato për të nxitur interesin në Bibël kur dëshmojmë në mënyrë joformale apo kur bëjmë vizita nga shtëpia në shtëpi.
2 Në prill, literatura që do të ofrojmë është Lajmi i mirë i cili na bën të lumtur. Nëse ky libër disponohet në kongregacionin tuaj, përgatitni prezantimin e mesazhit të Mbretërisë në mënyrë që t’ju drejtojë në një pikë specifike të këtij libri. Si mund të bëhet kjo?
3 Si të përgatitemi: Për të filluar, zgjidh një pjesë në libër që me siguri do t’u aplikohet njerëzve me zemër të ndershme në territorin tënd. Më në fund, mendo një ngjarje të freskët apo një temë të interesit të përgjithshëm që ti me lehtësi mund ta trajtosh shkurtimisht me të zotin e shtëpisë, para se t’i tërheqësh vëmendjen nga pjesa që ke zgjedhur. Ndoshta atje është një shkrim i cituar apo i shkruar që ti mund ta lexosh ose nga Bibla ose drejtpërdrejt nga libri, për të mbështetur deklaratat tuaja. Nëse personi tregon interes të sinqertë, mund t’i ofrosh librin. Në atë moment apo më vonë nëse është më e përshtatshme, shpjego shkurtimisht se si është financuar kjo vepër botërore e predikimit dhe jepi personit, nëse dëshiron, mundësinë për të kontribuar. Në çdo rast, përpiqu t’i lësh atij një pyetje apo një mendim që mund ta përdorësh si bazë për një rivizitë.
4 Të ofrojmë librin: Ti mund të jetosh përgjithmonë në parajsë mbi tokë. Ti mund fillosh bisedën duke tërhequr vëmendjen mbi një rubrikë lajmesh, që në një mënyrë apo në një tjetër nxjerr në pah përfshirjen e feve në punët e botës apo që përndryshe tregon ndikimin e fesë në jetën e njerëzve.
Pastaj bëj një pyetje të tillë si kjo:
◼ «Sipas mendimit tuaj, si e shikon Perëndia sistemin fetar që po ndikon në punët e botës sot? [Lëre të përgjigjet.] A do të habiteshe kur të mësoje se mësimet bazë të të gjitha atyre feve janë plotësisht të ngjashme dhe se dallojnë në mënyrë të dukshme nga mësimet e Biblës?» Nëse i zoti i shtëpisë është i gatshëm për të dëgjuar, tregoji atij tabelën e përmbajtjes dhe shkurtimisht se si të gjithë po ndikohemi nga feja edhe pse nuk jemi shumë fetarë. Në kapitullin III mund të tregosh se si ai mund të jetë i sigurt për fenë që duhet të ndjekë. Mund t’i tregosh gjithashtu se si të gjitha fetë thonë se përfaqësojnë Perëndinë, por faktikisht e mohojnë atë me veprat e tyre. Trego në kapitullin 22 se si mund të identifikohet feja e vërtetë.
5 Kohë pas kohe, mund të jetë më e përshtatshme ofrimi i revistave ose i një fletushke. Ne kemi çdo arsye për të qenë entuziastë dhe të zellshëm për të inkurajuar të tjerët që të lexojnë këto botime, në mënyrë që të mund të pajisen për të provuar fuqinë e Fjalës së Perëndisë në jetën e tyre duke iu përgjigjur drejtimit të saj.