Nxirr sa më shumë dobi nga figurat

Botimet tona janë plot me figura që përmbajnë mësime të rëndësishme. Si të nxjerrësh sa më shumë dobi prej tyre?

• Shihi figurat para se të lexosh artikullin. Ato mund të të grishin kureshtjen dhe të të motivojnë ta lexosh materialin. Kur ke përpara një ushqim që të hap oreksin, të parët që «shijojnë», janë sytë. Njësoj ndodh edhe me një artikull. Ndaj pyete veten: «Çfarë shikoj?»—Amo. 7:7, 8.

• Teksa lexon artikullin, mendo pse janë përzgjedhur ato figura. Lexo diçiturat ose përshkrimet e figurave. Pastaj mendo si lidhen figurat me temën që po diskutohet dhe si t’i zbatosh në përditshmëri mësimet që nxjerr prej tyre.

• Kur mbaron leximin, përdori figurat për të rikujtuar pikat kryesore të artikullit. Pastaj përpiqu t’i sjellësh ndër mend figurat dhe mësimet që nxore nga secila.

• Pse të mos u hedhësh një sy figurave të kësaj reviste dhe të shohësh nëse i mban mend pikat që mësove?