Duke ndarë me të tjerët Sekretin e lumturisë familjare
1 Familja është njësia bazë e shoqërisë njerëzore dhe nga familja rrjedhin fshatrat, qytetet, shtetet dhe kombe të tërë. Sot, njësia familjare është nën presion si kurrë më parë. Ndikime të fuqishme po veprojnë për të kërcënuar vetë ekzistencën e jetës familjare. Sa mirënjohës jemi, që Jehovai, Projektuesi i rregullimit familjar, na ka siguruar me udhëzime, kështu që ne mund të arrijmë lumturinë familjare! Ata që ndjekin udhëzimet e tij vërejnë se problemet janë zvogëluar dhe se rezulton një njësi familjare e suksesshme. Gjatë shtatorit kemi privilegjin të ndajmë me të tjerët librin Sekreti i lumturisë familjare. Merr iniciativën për t’ju afruar njerëzve në lidhje me temën e jetës familjare. Ji miqësor, pozitiv dhe mendjemprehtë. Çfarë mund të thuash?
2 Ti mund të fillosh, duke ngritur një pyetje, të tillë si:
◼ «Keni vënë re, se shumë familje gjenden në vështirësi për të duruar presionet e jetës? [Lëre të përgjigjet.] Raportet tregojnë se shumë njerëz përjetojnë vështirësi në shtëpi. Çfarë besoni se do t’i ndihmojë familjet për të gjetur stabilitet dhe lumturi më të madhe? [Lëre të përgjigjet.] Meqenëse Perëndia themeloi rregullimin familjar, a nuk do të ishte e arsyeshme të shqyrtoheshin udhëzimet që ai ka dhënë? [Lexo 2. Timoteut 3:16, 17.] Një udhëzim i tillë i dobishëm është paraqitur në këtë libër, Sekreti i lumturisë familjare.» Pastaj pyet personin, se çfarë mendon ai se është një problem i zakonshëm familjar, trego kapitullin që trajton këtë problem dhe ofro librin.
3 Gjatë rivizitës, ti mund të ndjekësh synimin për të filluar një studim biblik duke thënë:
◼ «Kam menduar rreth asaj që folëm mbi temën e jetës familjare dhe ju solla diçka që unë mendoj se do t’ju gëzojë. [Trego broshurën Çfarë kërkon?, kthehu në faqen 16 dhe lexo gjashtë pyetjet në krye.] Në mënyrë të qartë, çdo person në familje duhet të bëjë pjesën e tij për të kontribuar drejt lumturisë familjare. Nëse keni pak minuta kohë, unë do t’ju tregoj se si mund të merrni më shumë dobi nga ky informacion.» Pastaj fillo për të studiuar mësimin 8.
4 Një mënyrë tjetër për të filluar një bisedë është të përmendësh një problem, ndoshta duke thënë:
◼ «Megjithëse çdo njeri dëshiron të provojë një ndjenjë rehatie dhe kënaqësie, duket që shumë familje nuk kanë me të vërtetë sukses në këtë. Çfarë mendoni se do t’i ndihmojë ata për të gjetur lumturinë e vërtetë? [Lëre të përgjigjet.] Kohë më parë, Bibla zbuloi llojin e problemeve që ne do të shihnim në familjet sot. [Lexo 2. Timoteut 3:1-3.] Megjithatë, Bibla u tregon familjeve edhe se çfarë të bëjnë për të zgjidhur këto probleme dhe për të fituar lumturi të qëndrueshme. Parimet e saj janë shfaqur në këtë libër, Sekreti i lumturisë familjare.» Pastaj trego kutinë e rishikimit në fund të një kapitulli të përshtatshëm, lexo atë dhe ofro librin.
5 Kur të kthehesh, përdor broshurën «Çfarë kërkon?» për të filluar një studim. Ti mund të thuash:
◼ «Më bëri përshtypje gatishmëria juaj për të shqyrtuar parimet e Biblës që zbatohen në jetën familjare. Përvoja ka treguar se rezultatet më të mira janë arritur duke ndjekur këshillat praktike që gjenden në Bibël. Këtu është një shpjegim i thjeshtë, se përse ndodh kështu.» Lexo paragrafin e parë të mësimit 1 në broshurën Çfarë kërkon?, duke përfshirë edhe Psalmin 1:1-3 ose Isainë 48:17, 18. Nëse e lejon rasti, konsidero pjesën e mbetur të mësimit. Ofro mundësinë për t’u kthyer që të studioni së bashku mësimin tjetër.
6 Në lidhje me literaturën tonë: Duke ditur se e gjithë literatura jonë është e vlefshme dhe se për botimin e saj duhen para, a ngurron ndonjëherë t’u ofrosh revista, broshura apo libra njerëzve që takon? Si mund të jemi të sigurt se nuk jemi duke ia dhënë më kot literaturën njerëzve që nuk e çmojnë? Një mënyrë është të pyesësh personin nëse ai premton se do ta lexojë botimin që po i prezanton.
7 Kur ofron një libër «Lumturia familjare», ti mund të thuash këtë, për shembull:
◼ «Nëse më premtoni se do ta lexoni këtë libër, do t’jua lë pa pagesë. [Lëre të përgjigjet.] Ju mund të pyesni veten se si mund të jemi në gjendje ta bëjmë një gjë të tillë. Kjo ndodh sepse vepra jonë përkrahet nga kontributet vullnetare. Nëse do t’ju pëlqente të bënit një kontribut të vogël ndaj veprës sonë, do ta pranoja atë me kënaqësi.» Një vëlla merrte përgjigje me vështirësi derisa bëri dy ndryshime. Në radhë të parë, ai shtoi një fjalë, duke thënë: «Nëse do t’ju pëlqente të bënit sot një kontribut të vogël ndaj veprës sonë, do ta pranoja atë me kënaqësi.» Pastaj, ai bënte një pauzë të mjaftueshme, për t’i lënë kohë pronarit të përgjigjej. Atëherë ai ndihej më i sigurt se literatura ishte çmuar dhe se do të lexohej.
8 Le të bëjmë çdo përpjekje që mundemi për të ndarë me të tjerët sekretin që çon drejt lumturisë familjare, duke ndjekur udhëzimet e paraqitura në Fjalën e Perëndisë.—Psal. 19:7-10.