A jeni të përgatitur në rast urgjence mjekësore?
Një rast urgjence mjekësore mund të vijë papritur. (Jak. 4:14) Prandaj, ai që është mendjehollë, do të përgatitet sa më shumë të jetë e mundur. (Prov. 22:3) A keni vendosur se cilat trajtime dhe procedura mjekësore do të pranoni dhe a i keni hedhur me shkrim vendimin tuaj? Për t’ju ndihmuar, ka dalë videoja Transfuzioni: Kujdesi Mjekësor Alternativ plotëson nevojat dhe të drejtat e pacientit, e dyta në DVD-në me titull Alternativat e transfuzionit—Seri dokumentarësh. Ndërsa e shihni, përpiquni t’u përgjigjeni pyetjeve të mëposhtme. Videoja përmban disa skena të shkurtra operacionesh, kështu që prindërit duhet të tregojnë maturi kur e shohin me fëmijët e vegjël.
(1) Pse disa personalitete në fushën e mjekësisë po e rishqyrtojnë vlerën e përdorimit të transfuzioneve? (2) Jepni tre shembuj të operacioneve të ndërlikuara që janë kryer pa transfuzione gjaku. (3) Pse mijëra mjekë dhe kirurgë në mbarë botën janë të gatshëm t’i trajtojnë pacientët pa transfuzione gjaku? (4) Çfarë kanë zbuluar studimet spitalore të kohëve të fundit në lidhje me përdorimin e gjakut? (5) Cilat janë rreziqet mjekësore që lidhen me transfuzionet? (6) Në ç’përfundim kanë arritur shumë specialistë lidhur me dobitë e alternativave të tjera përveç transfuzionit? (7) Nga se shkaktohet anemia dhe çfarë mund të bëhet për ta kompensuar? (8) Si mund të stimulohet prodhimi i rruazave të kuqe te trupi i një pacienti? (9) Cilat teknika po përdoren për të minimizuar humbjen e gjakut gjatë operacioneve? (10) A mund të jenë të efektshme alternativat e tjera, përveç transfuzionit, te fëmijët e vegjël ose te njerëzit që ndodhen në situata urgjente ku rrezikohet jeta? (11) Cili është një nga parimet etike kryesore të një kujdesi mjekësor të mirë?
Meqë pranimi i disa trajtimeve që paraqiten në këtë video është çështje ndërgjegjeje, mos prisni një rast urgjence për të shqyrtuar se çfarë do të pranoni dhe çfarë jo. Kapitulli 7 në librin Dashuria e Perëndisë dhe referimet e përmendura aty, si edhe shtojca te Shërbimi ynë i Mbretërisë e nëntorit 2006, do t’ju ndihmojnë të merrni vendime të bazuara në njohuri. Pastaj, nëse jeni të pagëzuar, vendimet tuaja pasqyrojini në kartën UTM dhe mbajeni gjithmonë me vete.
[Diçitura në faqen 3]
A keni vendosur se cilat trajtime dhe procedura mjekësore do të pranoni dhe a i keni hedhur me shkrim?