«Vazhdoni ta bëni këtë»
Përkujtimi do të mbahet më 5 prill
1. Pse është i rëndësishëm Përkujtimi?
1 «Vazhdoni ta bëni këtë në kujtimin tim.» (Luka 22:19) Me këto fjalë, Jezui u dha urdhër dishepujve që të përkujtonin vdekjen e tij flijuese. Duke pasur parasysh gjithçka që u përmbush me anë të shpërblesës, nuk ka ditë më të rëndësishme ose më të çmuar për të krishterët sesa Përkujtimi i përvitshëm. Si mund t’ia tregojmë mirënjohjen Jehovait ndërsa afrohet 5 prilli, dita e Përkujtimit?—Kolos. 3:15.
2. Si mund ta tregojmë mirënjohjen tonë për Përkujtimin me anë të studimit e meditimit?
2 Të përgatitemi: Zakonisht përgatitemi për gjërat që i konsiderojmë të rëndësishme. Mund të përgatitim zemrën për Përkujtimin duke shqyrtuar si familje ngjarjet që ndodhën gjatë ditëve të fundit të Jezuit në tokë dhe duke medituar për to. (Ezd. 7:10) Një listë e pjesshme e shkrimeve gjendet te kalendari dhe te broshura Të shqyrtojmë Shkrimet çdo ditë, kurse një listë më e plotë bashkë me kapitujt korrespondues nga libri Njeriu më i madh gjendet në faqet 23-24 të Kullës së Rojës së 1 shkurtit 2011.
3. Si mund të marrim pjesë më shumë në shërbim që të tregojmë mirënjohjen për Përkujtimin?
3 Të predikojmë: Mund ta tregojmë mirënjohjen tonë edhe duke marrë pjesë sa më shumë në shërbim. (Luka 6:45) Duke filluar të shtunën më 17 mars, do të zhvillohet një fushatë mbarëbotërore për të ftuar njerëzit në Përkujtim. A mund ta përshtatni programin tuaj që të kaloni sa më shumë kohë në shërbim, ndoshta si pionier ndihmës? Pse të mos e diskutoni si familje gjatë Adhurimit Familjar të ardhshëm?
4. Çfarë dobish nxjerrim nga Përkujtimi?
4 Sa shumë përfitojmë nga pjesëmarrja në Përkujtim çdo vit! Gëzimi dhe dashuria jonë për Perëndinë rriten ndërsa meditojmë për bujarinë që ka treguar Jehovai duke dhënë Birin e tij të vetëmlindur si shpërblesë. (Gjoni 3:16; 1 Gjon. 4:9, 10) Kjo na detyron që të mos jetojmë më për vete. (2 Kor. 5:14, 15) Gjithashtu na rrit dëshirën të lëvdojmë Jehovain publikisht. (Psal. 102:19-21) Po, si shërbëtorë mirënjohës të Jehovait, presim me padurim mundësinë që do të kemi gjatë Përkujtimit më 5 prill ‘për të shpallur vdekjen e Zotërisë’.—1 Kor. 11:26.