«Do të pranoj literaturën tuaj nëse ju merrni literaturën time»

Kështu na thonë disa njerëz kur u predikojmë. Ne nuk i këmbejmë botimet ndihmëse për studimin e Biblës me literaturë fetare që përhap gënjeshtra. Atëherë, si mund të përgjigjemi me takt? (Rom. 1:25) Mund t’u themi: «Faleminderit për ofertën! Çfarë thuhet aty për zgjidhjen e problemeve të njerëzimit? [Presim përgjigjen. Nëse të fton të lexosh literaturën për të marrë përgjigje, mund t’i kujtosh se nuk ia ofrove literaturën pa i treguar përmbajtjen. Pastaj lexo ose cito Mateun 6:9, 10.] Jezui tregoi se vullneti i Perëndisë në tokë do të bëhet falë Mbretërisë së Perëndisë. Prandaj, unë lexoj vetëm atë literaturë fetare që lartëson Mbretërinë e Perëndisë. A mund t’ju tregoj nga Bibla disa gjëra specifike që do të bëjë Mbretëria e Perëndisë?»