Çfarë do të kryejmë gjatë këtij viti shërbimi?
1 Viti i shërbimit 1994 ka filluar më 1 shtator dhe tani për të gjithë shërbëtorët e Jehovait është akoma koha e përshtatshme për të vendosur qartë në mendjet tona se çfarë do të kryejmë individualisht dhe si organizatë gjatë këtij viti të ri shërbimi.
2 Të vazhdojmë të rritemi frymësisht: Nëse kemi pak kohë që kemi njohur të vërtetën, duam të bëhemi të fortë në besim. (Hebr. 6:1-3) Nëse tashmë jemi të fortë frymësisht, duhet jo vetëm të ndihmojmë të rinjtë dhe të tjerët, por duhet gjithashtu t’i kushtojmë vëmendje gjendjes sonë frymore, duke mos menduar se tashmë e zotërojmë të gjithë njohurinë biblike dhe se kemi përvojën e nevojshme të jetës së krishterë. A e konsiderojmë gjithmonë shkrimin e ditës? A qëndrojmë në një hap me programin e leximit biblik të treguar në Shkollën e Shërbimit Teokratik? A përgatitemi për studimin e librit të kongregacionit dhe studimin e Kullës së Rojës? Ky është minimumi i tërë asaj që duhet të synojmë të bëjmë. Nëse duam të mbijetojmë shkatërrimin e këtij sistemi të lig gjërash dhe të hyjmë në botën e re të Perëndisë, duhet të vazhdojmë të rritemi frymësisht.—Krahaso Filipianëve 3:12-16.
3 Të qëndrojmë të pastër frymësisht: Që të pranohemi plotësisht prej Jehovait, duhet të jemi të pastër nga çdo «njollosje trupore dhe frymore». (2. Kor. 7:1, NW) Kur jemi të pastër, përse duhet të kthehemi «për t’u rrotulluar në baltën» e kësaj bote të vjetër të ligë? (Krahaso 2. Pjetrit 2:22). Duhet të jemi të vendosur të mbahemi frymësisht të fortë dhe të pastër. Atëherë do t’i njohim shenjat e liga të Satanait dhe do t’ia hedhim duke mos rënë në mëkat dhe duke mos humbur favorin e Jehovait.—2. Kor. 2:11.
4 Të dëgjojmë këshillat e mençura: Proverbat 15:22 thotë: «Në shumicën e këshilltarëve atje ka plotësim.» Megjithatë, mos harro se njeriu që tha këto fjalë, Solomoni, më vonë lejoi që «gratë e tij t’ia drejtonin zemrën për të ndjekur perëndi të tjerë», sepse nuk kishte ndjekur këshillën e Perëndisë për të mos marrë gra të huaja. (1. Mbret. 11:1-4) Prandaj, nëse nuk i kushtojmë vëmendje këshillave të mençura, si mund të presim që të jemi të efektshëm në shërbim të Jehovait apo të jemi shembull për t’u imituar nga të tjerët? (1. Tim. 4:15) Këshillat biblike do të na ndihmojnë që të ruajmë zemrën tonë. (Prov. 4:23) Duke dashur atë që Jehovai do, duke urryer atë që Jehovai urren, duke kërkuar vazhdimisht udhëheqjen e tij dhe duke bërë atë që pëlqen ai, sigurisht do të jemi të mbrojtur.—Prov. 8:13; Gjonit 8:29; Hebr. 1:9.
5 Adhurimi ynë ndaj Jehovait nuk duhet të jetë mekanik, një formë e devotshmërisë së shenjtë si ajo e të ashtuquajturve, të krishterë të kësaj bote, por duhet të jetë i zjarrtë, aktiv dhe i gjallë, në harmoni me të vërtetën që përmban Fjala e Perëndisë.—Gjoni 4:23, 24.
6 Vendosmëria jonë për të bërë vullnetin e Përëndisë mund të vihet në provë. Duhet të forcohemi nga dijenia se e «tërë shoqëria» e vëllezërve tanë përballon prova të ngjashme dhe se Jehovai është ai që na bën të fortë. (1. Pjetr. 5:9, 10) Në këtë mënyrë do të jemi plotësisht në gjendje që të kryejmë shërbimin tonë gjatë vitit të shërbimit 1994.—2. Tim. 4:5.