Watchtower LIBRARY A INTERNET
Watchtower
LIBRARY A INTERNET
Saamakatöngö
  • BËIBEL
  • BUKU
  • KOMAKANDI
  • Mateosi 14
  • Njunjun Goonliba Bëibel

Fëlön an dë da di pisi aki.

Piimisi, wan soni ta tapa u fuu pëë di fëlön.

Dee soni dee u sa feni a di buku Mateosi

      • De koti di hedi u Johanisi di Dopuma puu (1-12)

      • Jesosi ta da 5000 womi sëmbë soni u njan (13-21)

      • Jesosi ta waka a wata liba (22-33)

      • Jesosi ta kula sëmbë a Ganesalëti (34-36)

Mateosi 14:3

Woto fanöudu soni

  • *

    Hën da Helodi Antipasi. Luku di pisi ’Di soni di dee wöutu aki kë taki’.

Mateosi 14:9

Woto fanöudu soni

  • *

    Nasö „dee sëmbë dee bi ko njan makandi ku ën”.

Mateosi 14:25

Woto fanöudu soni

  • *

    Dee pisiten u 3 juu mamate te go miti 6 juu mamate.

  • Njunjun Goonliba Bëibel
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
Njunjun Goonliba Bëibel
Mateosi 14:1-36

Dee soni dee Mateosi sikifi

14 A di ten dë, Könu Helodi di ta tii di pisiwata u Galilea bi ko jei dee soni dee Jesosi bi ta du. 2 Hën a piki dee laima fëën taa: „A musu u dë sö taa Johanisi di Dopuma hën di dë. A toona weki ko a libi baka, nöö fëën mbei a abi makiti faa du dee foombo wooko dë.” 3 Helodi* bi mbei sëmbë kisi Johanisi buta a dunguwosu fu hën mujëë Helodiasi hedi. Fosufosu Helodiasi bi dë di mujëë u Filipi. Nöö Filipi bi dë di gaan baaa u Helodi. 4 Johanisi bi lo’ u piki Helodi taa: „Ja abi leti u tei di mujëë aki.” 5 Helodi bi kë kii Johanisi, ma a bi ta fëëë hogi në a lanti, u di sëmbë bi ta si Johanisi kuma wan tjabukama. 6 Di di fujai daka u Helodi dou, hën de hoi wan gaan piizii. Hën di mujëë mii u Helodiasi baja a di piizii dë. Nöö di soni bi suti da Helodi sö tee taa 7 a soi taa hiniwan soni di a hakisi ën kaa a o dëën. 8 Hën Helodiasi piki di mujëë mii fëën faa piki Helodi taa: „Koti di hedi u Johanisi di Dopuma buta a wan paabi tja ko da mi.” 9 Di könu jei sö, hën hati fëën latja. Ma u di a bi soi a hii lanti* fesi kaa, mbei a manda sëmbë u de go du ën. 10 A manda sodati go a dunguwosu go koti Johanisi hedi puu. 11 Hën de tja di hedi ko da di mujëë mii a wan paabi dendu, hën di mujëë mii tjëën go da hën mma. 12 Bakaten, hën dee bakama u Johanisi ko tei di dëdë sinkii fëën, hën de tjëën go bei. Hën de go piki Jesosi andi pasa. 13 Di Jesosi jei di buka dë, hën a subi a boto faa go a wan kamian go dë hën wanwan. Ma di dee sëmbë jei di soni dë, hën de kumutu a dee peipei köndë waka ku futu go ka Jesosi bi nango.

14 Di Jesosi go dou a di lampeesi, hën a si dee gaan hia sëmbë ko sai dë ta wakiti ën. Nöö hën tjali u de kisi ën, hën a kula dee suwakima u de. 15 A di ndeti buka, hën dee bakama u Jesosi ko nëën, hën de taa: „Masa o, ndeti ta ko kaa, nöö u dë a wan longi kamian. Manda dee sëmbë go be de go bai soni u njan a dee köndë dee dë a zuntu.” 16 Hën Jesosi piki de taa: „An dë u de go, un da de soni u njan.” 17 Hën de piki ën taa: „Wë feifi bëëë ku tu fisi nöö u abi aki.” 18 Hën a taa: „Un tja de ko da mi.” 19 Hën a piki dee sëmbë u de sindo a goon a dee ahun liba. Hën a tei dee feifi bëëë ku dee tu fisi, hën a hopo wojo luku liba, hën a da Gadu tangi te a kaba. Nöö hën a booko dee bëëë, hën a da dee bakama fëën, hën dee bakama fëën toona da dee sëmbë u de njan. 20 Di dee sëmbë njan te bëë u de fuu, hën dee bakama pii dee pisipisi bëëë dee bi fika, hën de lai tuwalufu manda ku de. 21 Söwan 5000 womi bi njan. Boi­ti di dë, dee mujëë ku dee mii bi njan tu. 22 Baka di dë, hën Jesosi manda dee bakama fëën u de toona subi a boto go a di woto së banda. Ma a bi fika a baka faa manda dee sëmbë go.

23 Baka di a manda dee sëmbë go, hën a subi wan kuun faa go dë hën wanwan faa begi. Di kamian ko dungu, nöö a bi sai dë hën wanwan jeti. 24 A di ten dë, di boto bi dë te a mindi wata ala. Nöö di ventu bi ta seki di wata sö tee taa dee bakama fëën an bi sa tja di boto möön. 25 Hën a di ganian kanda,* hën Jesosi waka a di wata liba go miti de. 26 Di de si a ta waka a di wata liba ta ko, hën de fëëë te na soni, hën de bai taa: „Wooo! Andim’ ta si dë?” 27 Hën wantewante dë Jesosi bai piki de taa: „Wan fëëë e! Un tai hati. Mi wë disi.” 28 Hën Petuisi piki ën taa: „Masa ju nö? Wë ee ju di dë tuutuu, nöö i piki mi be miseei waka a di wata liba ko a i.” 29 Hën Jesosi piki ën taa: „Antoobi, waka ko nöö.” Hën Petuisi kumutu a di boto, hën a ta waka a di wata liba nango a Jesosi. 30 Ma di a si fa di ventu ta böö ku fa di wata ta seki tjika, hën a ko fëëë te na soni. Nöö hën a ta saka nango a basuwata zuuu, hën a bai kai wolo taa: „Masa, heepi mi oo!” 31 Hën wantewante dë Jesosi tëndë maun kisi ën panjan, hën a taa: „Unfa biibi fii du piki sö? Faandi mbei ja biibi mi möön?” 32 Di de subi a di boto, hën wantewante dë di ventu saka, hën di wata ko dë piii. 33 Hën hii dee bakama u Jesosi dee bi dë a di boto tjökö kini nëën fesi dë, hën de taa: „Aai Masa, i da di Mii u Gadu tuu.” 34 Hën de go dou a di köndë ka de bi nango. Di köndë dë de kai Ganesalëti.

35 Di dee sëmbë u di köndë si Jesosi, hën de paaja buka a hii di pisiwata dë taa a dou. Hën dee sëmbë tja hii dee suwakima u de ko nëën. 36 Hën de begi ën be a da dee suwakima pasi u de panjan di koosu buka fëën tjë sö seei. Hën hii dee sëmbë dee panjan di koosu buka fëën ko bëtë.

Saamakatöngö buku (2007-2025)
Log out
Log in
  • Saamakatöngö
  • Mandëën da wan sëmbë
  • Settings
  • Copyright © 2025 Watch Tower Bible and Tract Society of Pennsylvania
  • Gebruiksvoorwaarden
  • Privacybeleid
  • Privacyinstellingen
  • JW.ORG
  • Log in
Mandëën da wan sëmbë