Watchtower LIBRARY A INTERNET
Watchtower
LIBRARY A INTERNET
Saamakatöngö
  • BËIBEL
  • BUKU
  • KOMAKANDI
  • Lukasi 2
  • Njunjun Goonliba Bëibel

Fëlön an dë da di pisi aki.

Piimisi, wan soni ta tapa u fuu pëë di fëlön.

Dee soni dee u sa feni a di buku Lukasi

      • De pai Jesosi (1-7)

      • Wanlö basia u Gadu ko fan ku dee womi dee ta kiija sikapu (8-20)

      • De tja di mii go koti di maaka u dee Dju, hën de limbo deseei (21-24)

      • Simiön si di Keesitu (25-35)

      • Ana ta konda soni u di mii (36-38)

      • De toona go a Nazalëti (39, 40)

      • Jesosi dë a di Wosu u Gadu. A bi abi tuwalufu jaa (41-52)

Lukasi 2:1

Footoo ku peentje

  • Josëfu ku Malia nango a Bëtëlëhën; Malia pai Jesosi (gnj 1 35:30–39:53)

Lukasi 2:8

Footoo ku peentje

  • Dee ëngëli go a dee womi dee ta kiija sikapu (gnj 1 39:54–41:40)

Lukasi 2:9

Woto fanöudu soni

  • *

    Luku di pisi ’Di soni di dee wöutu aki kë taki’.

  • *

    Luku di pisi ’Di soni di dee wöutu aki kë taki’.

Lukasi 2:15

Footoo ku peentje

  • Dee womi dee ta kiija sikapu nango luku Jesosi di bi dë a wan këdë ka de ta buta soni u njan da dee mbeti (gnj 1 41:41–43:53)

Woto fanöudu soni

  • *

    Luku di pisi ’Di soni di dee wöutu aki kë taki’.

Lukasi 2:21

Footoo ku peentje

  • De tja Jesosi go a Jehovah fesi, a di Wosu fëën (gnj 1 43:56–45:02)

Lukasi 2:22

Woto fanöudu soni

  • *

    Luku di pisi ’Di soni di dee wöutu aki kë taki’.

Lukasi 2:23

Woto fanöudu soni

  • *

    Luku di pisi ’Di soni di dee wöutu aki kë taki’.

  • *

    Luku di pisi ’Di soni di dee wöutu aki kë taki’.

Lukasi 2:24

Woto fanöudu soni

  • *

    Luku di pisi ’Di soni di dee wöutu aki kë taki’.

Lukasi 2:25

Footoo ku peentje

  • Simiön bi feni di gaandi u si di Keesitu (gnj 1 45:04–48:50)

Lukasi 2:26

Woto fanöudu soni

  • *

    Luku di pisi ’Di soni di dee wöutu aki kë taki’.

Lukasi 2:36

Footoo ku peentje

  • Ana ta konda soni u di mii da dee sëmbë (gnj 1 48:52–50:21)

Lukasi 2:39

Footoo ku peentje

  • Jesosi ku dee sëmbë fëën ta libi a di köndë Nazalëti (gnj 1 59:34–1:03:55)

Woto fanöudu soni

  • *

    Luku di pisi ’Di soni di dee wöutu aki kë taki’.

Lukasi 2:41

Footoo ku peentje

  • Jesosi abi 12 jaa, nöö a dë a di Wosu u Gadu (gnj 1 1:04:00–1:09:40)

Lukasi 2:51

Footoo ku peentje

  • Jesosi ku dee sëmbë fëën ta toona go baka a Nazalëti (gnj 1 1:09:41–1:10:27)
  • Njunjun Goonliba Bëibel
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
  • 44
  • 45
  • 46
  • 47
  • 48
  • 49
  • 50
  • 51
  • 52
Njunjun Goonliba Bëibel
Lukasi 2:1-52

Dee soni dee Lukasi sikifi

2 A di ten dë, di Gaan könu de kai Aukesi bi ta tii. Hën a manda wan buka go a hii dee köndë ka a bi abi taki, taa hii sëmbë musu go sikifi de në buta a lanti buku. 2 A bi dë di fosu pasi di sëmbë bi musu du di soni dë. Nöö di gaama de kai Kilenisi, hën bi dë gaama u di köndë de kai Silia a di pisiten dë. 3 Nöö hën hii sëmbë go a di köndë ka de bi pai de u de sikifi de në buta a lanti buku. 4 U di Josëfu bi dë wan bakamii u Dafiti, mbei a kumutu a di köndë Nazalëti a di pisiwata u Galilea go tee a di köndë u Dafiti de kai Bëtëlëhën di dë a di pisiwata u Judea. 5 Hën ku hën mujëë Malia bi go u sikifi de në buta a lanti buku. A di ten dë Malia bi dë ku gaan bëë. 6 Di de dou a Bëtëlëhën, nöö di juu u Malia bi dou faa pai. 7 Hën a pai di womi mii fëën. A bi dë di fosu mii fëën. A lolu ën a koosu, hën a kandi ën buta a wan këdë dendu ka sëmbë ta buta soni u njan da dee mbeti. Biga kamian an bi dë a dee wosu ka sëmbë bi ta juu kamba möön.

8 Wanlö womi dee ta kiija sikapu bi dë a di pisiwata dë. Di ndeti dë de bi dë a döö a wan wei ta luku dee sikapu u de u soni an musu du de. 9 Te u de kë mëni, hën wan basia u Jehoufa* ko taanpu a de fesi dë, hën kamian ko limbo gbegedee, biga a Jehoufa* seei di limbo bi kumutu. Nöö hën dee womi ko ta fëëë te na soni. 10 Hën di basia u Gadu piki de taa: „Wan fëëë e, biga mi ko konda wan bunu buka da unu. Di buka aki o mbei hii sëmbë u goonliba tuu piizii seei. 11 Biga tide de pai di heepima fuunu da unu a di köndë u Könu Dafiti. Hën da di Keesitu, di Masa fuunu. 12 Wë nöö mi o lei unu wan maaka e. Te un go, nöö woon si wan mii lolulolu a koosu. De kandi ën buta a wan këdë dendu ka de ta buta soni u njan da dee mbeti.” 13 Hën wantewante dë, wanlö woto basia u Gadu ko gidjii ko mökisi ku di basia u Gadu di bi sai dë kaa. Hën de ta gafa Gadu, ta taki taa: 14 „Un gafa Gadu a liba ala, nöö be soni waka bunu da dee sëmbë dee Gadu feni bunu.”

15 Di dee basia u Gadu toona go a liba ala, hën dee womi dee ta kiija sikapu bigi taki da de na de taa: „Jehoufa* manda wan buka da u aki. Boo go a Bëtëlëhën go luku andi ta pasa ala.” 16 Hën wantewante de go ala, hën de go si Malia ku Josëfu ku di mii tuu. Di mii bi dë kandikandi a wan këdë ka de ta buta soni u njan da dee mbeti. 17 Di de si sö, hën de bigi ta konda di woto u di mii da sëmbë leti kumafa di basia u Gadu bi kondëën da de. 18 Di dee sëmbë dee bi jei di woto di dee womi dee ta kiija sikapu bi konda, hën de tuu bi foondo. 19 Ma Malia bi tei dee soni dee a bi jei hoi nëën hati, ta pakisei de nöömö. 20 Hën dee womi toona go a dee sikapu u de. Hën de ta da Gadu tangi ta gafëën da hii dee soni di de bi jei ku dee soni di de bi si. Biga de bi pasa leti kumafa di basia u Gadu bi taki da de.

21 Baka aiti daka hën de koti di maaka u dee Dju da di mii, hën de kai ën Jesosi, leti kumafa di basia u Gadu bi taki taa de musu kai ën bifö hën mama bi ko dë ku ën bëë.

22 Di di juu dou u de limbo deseei kumafa di Wëti u Mosesi bi taki, hën de tja di mii go a Jehoufa* fesi a Jelusalën. 23 Biga a sikifi a di Wëti u Jehoufa* taa: „Hiniwan fosupai womi mii musu dë apaiti da Jehoufa.”* 24 De tja wan soni go tjuma da Jehoufa* leti kumafa di Wëti fëën bi ta taki. A ta taki taa: „Un musu tja tu pomba, nasö tu piki bakaa pomba.”

25 Di juu dë, wan womi bi dë a Jelusalën de ta kai Simiön. A bi ta libi kumafa Gadu kë, ta wakiti ën faa puu dee Isaëli sëmbë a sitaafu, nöö Gadu bi dëën di kaakiti fëën. 26 Jehoufa* bi mbei a ko sabi taa an o dëdë nöö an si di Keesitu di a o manda ko. 27 Di di mama ku di tata u Jesosi bi tjëën go a di Wosu u Gadu kumafa di Wëti bi ta taki, hën di kaakiti u Gadu bi mbei Simiön go a di Wosu u Gadu dendu. 28 Nöö hën a tei di mii, hën a bigi gafa Gadu. A taa: 29 „Ke baa, di Möön Hei Gadu u mundu. Mi si di mii kumafa i bi paamusi mi. Mi hati ko kötö, mi sa dëdë waiwai awaa. 30 Biga mi si di sëmbë di i manda ko u puu u a sitaafu. 31 Hën da di sëmbë di i seeka da u. Hii sëmbë sa si ën awaa. 32 Hën da di sëmbë di o puu dee woto köndë sëmbë a dungu, söseei a o hei dee Isaëli sëmbë.” 33 Fa Simiön fan dë, hën a foondo di mama ku di tata u di mii. 34 Hën Simiön begi Gadu da de, hën a piki Malia, di mama u di mii taa: „Di mii aki o mbei sömëni sëmbë u Isaëli kai, nöö a o hopo sömëni u de tu. Sëmbë o taki hogi fëën. 35 Hën Gadu tei faa tja dee soni dee dë a sëmbë hati ko a limbo. Di pen di joo fii o dë kuma de tjökö i ku ufangi.”

36 Nöö di juu dë, wan mujëë tjabukama bi sai dë di de ta kai Ana. Hën tata de bi ta kai Fanuëli, nöö a bi dë u di lö u Asë. Di mujëë aki bi ko gaandi kaa. A bi tööu seibi jaa longi, 37 hën hën manu ko lasi libi. A bi abi 84 jaa, nöö hii juu a bi ta dë a di Wosu u Gadu ta dini Gadu ta begi ën ndeti ku didia te so juu an bi ta njan seei. 38 Di Josëfu ku Malia bi dë a di Wosu u Gadu, hën a waka go miti de, hën a da Gadu tangi, hën a bigi ta konda soni u di mii da dee sëmbë dee bi ta wakiti u Gadu puu Jelusalën a fuka.

39 Nöö hën Malia ku Josëfu seeka hii soni kumafa di Wëti u Jehoufa* taki te de kaba, nöö hën de toona go a de köndë a Nazalëti a di pisiwata u Galilea. 40 Nöö hën di mii ta göö ta ko tefa a ko dë gaangaan mii. Möönmöön a bi ta ko köni, nöö Gadu bi dë ku ën.

41 Dee gaansëmbë fëën bi guwenti u go a Jelusalën hiniwan jaa u de hoi di Pasika piizii. 42 Nöö di Jesosi bi abi tuwalufu jaa, hën de ku ën go a Jelusalën a di piizii kumafa de bi guwenti. 43 Di dee daka u di piizii pasa, hën de toona nango a wosu baka. Ma nöö di juu dë Jesosi bi fika a Jelusalën, ma dee sëmbë fëën an bi sabi taa sö a fika ala. 44 U di de bi mëni taa a bi ta waka ku dee woto sëmbë dee bi go a di piizii, mbei de bi waka wan hii daka te ndeti ufö de ko mëni u de suku ën. Hën de ta suku ën a dee famii u de ku dee mati u de dendu te de wei. 45 Ma di de an feni ën, hën de toona go a Jelusalën baka, hën de suku ën a hii së. 46 Baka dii daka, hën de ko feni ën a di Wosu u Gadu sindosindo a dee mësitë mindi. A ta haika de, nöö a ta hakisi de soni. 47 Hii dee sëmbë dee bi ta jei fa a bi ta fan, bi ta foondo seei. Biga a bi abi bumbuu fusutan ta piki dee soni di de bi ta hakisi ën. 48 Di Josëfu ku Malia si ën, hën a bigi da de seei. Hën Malia hakisi ën taa: „Di mii o, andi mbei i du sö ku u? Mi ku i tata ta booko u hedi ta suku i a di kamian aki te u wei.” 49 Hën a toona hakisi de taa: „Wë andi mbei un ta suku mi sö? Wan sabi taa mi musu dë aki a mi Tata wosu nö?” 50 Ma fa di mii fan dë seei, de an fusutëën seei.

51 Hën Jesosi toona go ku de a Nazalëti baka, hën a ta saka hënseei a dee gaan sëmbë fëën basu go dou. Ma hën mama bi tei hii dee soni dee a bi taki buta nëën hati ta pakisei nöömö. 52 Hën di mii ta göö ta ko. Nöö möönmöön a bi ta ko köni, nöö Gadu ku libisëmbë tuu bi lobi ën.

Saamakatöngö buku (2007-2025)
Log out
Log in
  • Saamakatöngö
  • Mandëën da wan sëmbë
  • Settings
  • Copyright © 2025 Watch Tower Bible and Tract Society of Pennsylvania
  • Gebruiksvoorwaarden
  • Privacybeleid
  • Privacyinstellingen
  • JW.ORG
  • Log in
Mandëën da wan sëmbë