Wan wöutu a fesi

DEE woto dee dë a di buku aki da soni di pasa tuutuu. De kumutu a di möön nëbai buku u goonliba, hën da di Bëibel. Dee woto aki o lei i fa soni bi dë a goonliba fu sensi di Gadu bi bigi mbei soni te dou di ten fuu aki. Joo lei tu andi Gadu paamusi taa a o du a di ten di ta ko.

Di buku aki o heepi i fii ko sabi andi da dee soni dee dë a Bëibel. A ta taki u sëmbë di dë a di Bëibel ku dee soni de bi du. A ta taki tu u di gaan waiti houpu di Gadu da libisëmbë u libi u teego a wan paladëisi a goonliba aki.

Di buku aki abi 116 woto. Dee woto aki paati a aiti pisi. Wan bladsëidë a di bigi u hiniwan pisi, o taki kölö sö u dee soni joo lei a di pisi dë. Dee woto ta taki unfa soni waka baka na baka. Nöö disi o heepi i fii ko sabi un ten wan soni di Bëibel bi taki, pasa.

Dee woto u di buku aki sikifi a wan fasi di an taanga u fusutan. Un dee njönku wan o sa lesi dee woto aki da unu seei. Un dee mama ku dee tata o si taa dee njönku mii fuunu o piizii te un ta lesi dee woto aki da de hiniwan juu baka. Joo si taa di buku aki abi hia soni di bunu da pikiwan ku gaanwan tuu.

A di kaba u hiniwan woto, Bëibel tëkisi sikifi. U ta da i taanga u lesi dee pisi u di Bëibel ka dee woto aki kumutu. Te i kaba lesi wan woto, nöö luku dee hakisi u di woto dë tu di dë baka Woto 116, nöö pooba u piki dee hakisi.