Kumutu a di ten u di fosu könu u Isaëli te dou di ten di de bi dë a katibo a Babilon

Saulosu toon di fosu könu u Isaëli. Ma Jehovah an bi kë Saulosu kuma könu möön, hën a buta Dafiti nëën kamian. U ta ko sabi sömëni soni u Dafiti. Di a bi dë wan njönku kijoo a bi feti ku di gaan langa womi de kai Goliati. Bakaten a fusi da di djalusu Könu Saulosu. Wan waiti mujëë de kai Abigaëli bi tapëën fu an du wan gaan don soni.

U ta ko sabi sömëni soni tu u di womi mii u Dafiti de kai Salumon, di tei ën kamian kuma könu u Isaëli. Hiniwan u dee dii fosu könu u Isaëli tii 40 jaa longi. Di Saulosu ko dëdë, de paati Isaëli a tu könuköndë, wan a bausë ku wan a libasë.

Di 10-lö könuköndë u bausë tan 257 jaa ufö dee Asilia sëmbë booko ën puu. Hën baka 133 jaa de booko di tu-lö könuköndë u libasë puu tu. A di ten dë de tei dee Isaëli sëmbë tja go buta a katibo a Babilon. Te u konda hii dee jaa, nöö Pisi FÖ ta taki u sömëni sipansipan woto di pasa a 510 jaa dendu.