Di u teni a sikisi woto

Di soni di i seei musu du u sa dini Gadu

Andi i musu du u sa ko toon wan mati u Gadu. (1, 2)

Unfa wan sëmbë sa butëën libi a Gadu maun. (1)

Na un ten bifö i sa dopu. (2)

Unfa joo feni di taanga u tan dini Gadu? (3)

1. Ee wan sëmbë kë ko toon wan mati u Gadu, nöö a musu tei bumbuu sabi u dee tuutuu woto di dë a di Bëibel (1 Timoteo 2:3, 4), a musu biibi dee soni di a lei (Hebelejën 11:6), a musu tjali u dee zöndu di a bi du a fesi (Tjabukama 17:30, 31), söseei a musu bia di fasi fa a bi ta libi a fesi (Tjabukama 3:19). Nöö di lobi di sö wan sëmbë lobi Gadu o mbei taa a buta di libi fëën a Gadu maun. Sö wan sëmbë o fan ku Gadu a wan begi. Nöö a di begi dë a o taki da Gadu taa a ta butëën libi nëën maun fu du andi hën kë.​—Mateosi 16:24; 22:37.

2. Baka te i buta di libi fii a Gadu maun bifö joo sa dopu (Mateosi 28:19, 20). Te wan sëmbë dopu, nöö a ta mbei hii woto sëmbë ko sabi taa a buta di libi fëën a Gadu maun. Hën da, sösö dee sëmbë di dou di jaa tjika u buta di libi u de a Gadu maun, sa dopu. Te de ta dopu wan sëmbë, nöö hii hën sinkii musu go a di wata basu.a​—Maikusi 1:9, 10; Tjabukama 8:36.

3. Baka te i buta di libi fii a Gadu maun, nöö Gadu kë taa i musu libi kumafa i paamusi (Psalm 50:14; Prediker 5:4, 5). Didibi sa tan mbei taanga möiti u tapa i fu ja sa dini Gadu (1 Petuisi 5:8). Ma i musu tan zuntu a Gadu bandja fu di joo tan ta begi (Filipi 4:6, 7). Tei lei u di wöutu fëën hiniwan daka (Psalm 1:1-3). Dë zuntu a di gemeente bandja (Hebelejën 13:17). Te i du hii dee soni aki, nöö joo feni di kaakiti nasö taanga u sa tan wan sëmbë di Gadu sa fitööu hii juu. Hën da, fu teego, i sa du dee soni di Gadu kë taa i musu du!

[Basusë wöutu]