Andi sa heepi u te u abi bookohedi?

Dee sëmbë u Jehovah dee dë a di ölganisaasi fëën a goonliba aki ta libi fiifii ku deseei. Andi u sa du u lei taa u ta tei ën u bigi taa u dë sëmbë di dë a di tuutuu biibi, söseei andi useei sa du fuu sa ta möön libi fiifii ku useei go dou? Woo feni di piki u dee hakisi aki a di woto aki.

Di woto aki o taki u wan tu u dee gaangaan soni dee o pasa a di ten di ta ko. Söseei woo lei faandi mbei woo sa futoou Jehovah ku hii u hati a di pisiten u di gaan fuka.

Sömëni sëmbë u di goonliba u Saatan aki lobi di köndë u de gaanfa seei. Söseei de lobi di fasi fa de kiija de, ku di lö sëmbë di de dë. Ma u paamusi Jehovah taa woo hoi useei nëën. A di woto aki woo taki faandi mbei wa ta tei së a dee soni u goonliba aki di ta paati sëmbë ku sëmbë, söseei woo lei unfa u sa seeka useei u ta pakisei kumafa Jehovah ku Jesosi ta pakisei.

A hii së u goonliba dee sëmbë u Jehovah ta ko makandi a wan Könuköndë zali, nasö woto kamian u dini Gadu. A di woto aki woo taki u mama wëti u Bëibel di ta lei u taa u musu lesipeki dee komakandi kamian fuu, u musu da möni u heepi paka dee kösutu, söseei woo taki unfa u sa ta seeka de fu de sa ta tja gafa ko da Jehovah.