Mbei di Wöutu u Gadu abi kaakiti a di peleikiwooko fii

Te wan sëmbë da u pasi fuu konda di bunu buka dëën, nöö u ta tei di okasi dë u lesi Bëibel tëkisi da di sëmbë u mbei di Wöutu u Gadu dou hën hati. De bi taki u di soni aki a di keling komakandi u di jaa di pasa. Di keling-gaanwomi bi hoi di taki, „Mbei di Wöutu u Gadu abi kaakiti a di peleikiwooko fii”. I ta mëni dee fanöudu soni dee a bi tja ko a fesi a di taki dë jeti ö?

• Faandi mbei dee soni dee Jehovah ta taki abi möön kaakiti möön dee soni dee u ta taki?​—2 Tim. 3:16, 17.

• Unfa di Bëibel ta tja dee fii ku dee pakisei u wan sëmbë ko a döö, nöö unfa a ta tooka wan sëmbë pakisei, söseei unfa a ta tooka di fasi fa di sëmbë ta tja hënseei?​—Luku di Waktitoren u 15 u hondima-liba u 2012, bld. 27, pal. 7.

• Unfa u sa mbei sëmbë ko abi lesipeki da di Wöutu u Gadu te u lesi wan tëkisi da de a di peleikiwooko?​—Luku di Diniwroko-skoro-buku, bld. 148, pal. 3, 4, ku di Wi Kownukondre diniwroko u gaanliba u 2013, bld. 6, pal. 8.

• Faandi mbei a dë fanöudu fuu puu di tëkisi finifini da di sëmbë, söseei u buta hakisi dëën di nama ku di tëkisi? Nöö unfa u sa du ën?​—Tjab. 17:2, 3; luku di Diniwroko-skoro-buku, bld. 154, pal. 4 go miti bld. 156, pal. 5.