„Un ko boo subi go a di kuun u Jehovah”

„A dee lasiti daka”

Hën da di ten di u ta libi nöunöu aki

„Di kuun u di wosu u Jehovah”

Hën da di soifi fasi fa sëmbë musu dini Jehovah

„Na ala hii dee nasiönnasiön sëmbë musu go”

Dee sëmbë dee ta dini Gadu a di soifi fasi, ta ko makandi

„Un ko boo subi go a di kuun u Jehovah”

Dee tuutuu dinima u Gadu ta kai woto sëmbë u de ko dini Gadu makandi ku de

„A o lei u dee pasi fëën, nöö woo waka a dee pasi dë”

Jehovah ta tei di Wöutu fëën u lei u soni, söseei u heepi u fuu sa waka a dee pasi fëën

„De an o lei feti möön”

Jesaaja ta konda fa de tei dee fetilai u de, hën de mbei de ko toon wookolai u wooko goon. Di soni aki ta lei taa dee sëmbë u Jehovah bi o ta libi fiifii ku deseei. Andi bi dë dee wookolai a di ten u Jesaaja?

„Feti ufangi ko toon wan soni di de ta djobo doti ku ën”

1 Di wookolai di de bi ta djobo doti ku ën, bi dë wan felu pisi di de bi ta tai hoi a wan pau, nöö de bi ta hai ën ta tjaba di goon, u de bi sa paandi soni.​—1Sa 13:20

„Lanza ko toon wan faka di de ta koti ahun ku ën”

2 Di pei faka aki bi sa dë wan saapu buka felu di bi abi wan maun ka i bi sa panjëën. De bi ta koti doloifi ku ën.​—Jes 18:5