Wan wojolimbo sunjan di ta taanga di biibi fuu

9:1-7

Pakisei unfa Jesosi bi ta fii di a bi jei a di wojolimbo sunjan taa di Tata fëën a liba ala taki taa libi fëën ta kai ku ën. Di soni aki bi musu u da Jesosi taanga faa bi sa hoi dou a di pena di a bi o tja bakaten. Di wojolimbo sunjan aki bi bigi da Petuisi, Jakobosi ku Johanisi seei. Di wojolimbo sunjan aki bi ta lei gbelingbelin taa Jesosi da di Mësiasi, nöö de bi musu ta haikëën. Baka söwan 32 jaa, hën Petuisi bi toona taki soni u di wojolimbo sunjan aki, söseei fa a bi heepi ën faa ko ta biibi ’dee tjabukama woto’ möön gaanfa.​—2Pe 1:16-19.

Hii fa wa si di wojolimbo sunjan aki, ma u ta si fa a ta pasa tuutuu. Jesosi dë wan makiti Könu di ta tii nöunöu. Abiti möön a o dë di „gaan winima”, nöö a o mbei taa u sa libi a wan njunjun goonliba ka letilibi o dë.​—Ako 6:2.

Di biibi fii ko möön taanga di i si taa dee tjabukama woto u Bëibel ta pasa tuutuu ö?