Andi wan sëmbë musu du u ko toon wan bakama u Jesosi?

9:62

Ee wan sëmbë di ta bia goon u paandi soni kë diki wan ngötö di dë tololoo, nöö an musu mbei dee soni dee dë nëën baka puu ën pakisei. A di wan seei fasi wan Keesitu sëmbë an musu mbei dee soni dee a go disa a di goonliba aki puu ën pakisei a di dini u Gadu.​—Fp 3:13.

Te u abi bookohedi a di libi, nöö hesihesi seei u sa toona pakisei dee ten di soni bi nango bunu a u libi, kandë ufö u ko a di tuutuu lei. Te u ta du di soni aki, nöö u ta möön buta pakisei a di piizii di u bi ta piizii a di ten di pasa, ma na a dee bookohedi dee u bi abi. Di soni aki dee Isaëli sëmbë bi du di de bi kumutu a Egepiti (Nöb 11:5, 6). Ee u ta sindo ta pakisei dee lö soni aki, nöö a sa mbei taa u kë go libi kumafa u bi ta libi fosu. A bi o möön bunu fuu ta pakisei dee gaan bunu dee u feni kaa, söseei dee woo feni a di ten di ta ko te di Könuköndë o ta tii!​—2Ko 4:16-18.