„Wa ta lasi hati”

4:16-18

Pakisei taa tu famii ta libi a di wan seei wosu, nöö di wosu booko, nöö a musu seeka. Wan u dee famii ta si kuma an o sa seeka möön. Ma, di woto famii ta dë waiwai. Faandi mbei? Wë, abiti möön de o foloisi go a wan njunjun wosu.

Hii fa hii dee „soni u mundu . . . . tuu ta dë a gaan fuka ta djëmë seei, tökuseei dee futuboi u Gadu ta dë ku di mëni taa soni o seeka, nöö di soni dë ta da de taanga (Lo 8:22). U sabi taa dee soni dee ta da u bookohedi nöunöu, ku dee ta da u bookohedi sömëni jaa kaa, da u ’wan pisiten nöö’, nöö de an hebi te i tei de maaka ku dee bunu dee woo feni u teego a di njunjun goonliba u Gadu. Te u ta pakisei dee gaan bunu di di Könuköndë o mbei u feni, nöö di soni dë o heepi u fuu ta dë waiwai, söseei fuu hoi dou.