Ta lei soni u Bëibel a sö wan fasi taa i ta möön feni wini fëën

FAANDI MBEI A DE FANÖUDU: Di lei di u ta lei soni a di Wöutu u Gadu o heepi u fuu ko sabi ’di hei, di fundu, ku di baai’ u di tuutuu lei (Ef 3:18). A ta heepi u tu u sëmbë an feni föutu a u, fu wa du na wan hogi a di hogi goonliba aki, söseei fuu ta hoi useei a „dee wöutu dee ta da sëmbë di libi u teego” (Fp 2:15, 16). Te u ta lei soni u Bëibel, nöö woo feni soni di sa heepi u. Andi u sa du fuu sa ta feni wini te u ta lesi di Bëibel, ku te u ta lei soni nëën?

FA U MUSU DU ËN:

• Maaka dee tëkisi dee i kë mëni baka, sikifi wantu soni a di Bëibel fii di ja kë fëëkëtë, nasö sikifi de a wan pampia nasö a di tëlëfön fii nasö di tablet fii

• Hakisi iseei dee soni aki te i ta lesi di Wöutu u Gadu: ’Ambë? Andi? Na un ten? Naasë? Faandi mbei? Unfa?’

• Ko sabi unfa soni dë tuutuu. Wooko ku dee soni dee u abi u öndösuku soni, fii sa öndösuku wan soni nasö wan tëkisi

• Pakisei fundu u dee soni dee i lei fii sa si unfa de nama ku i

• I musu ta du dee soni dee i ta lei hiniwan daka.​—Lu 6:47, 48

LUKU DI FËLÖN LEI SONI U BËIBEL BUNU, FII SA TA „HOI ISEEI GINGIN” A DI WÖUTU U GADU, BAKA DI DË, NÖÖ PIKI DEE HAKISI AKI:

• Unfa so sëmbë ta si di lei di u musu ta lei soni u Bëibel?

• Faandi mbei u musu begi ufö u bigi lei soni u Bëibel?

• Andi sa heepi u fuu fusutan wan tëkisi u Bëibel möön bunu?

• Andi da dee peipei fasi fa u sa maaka soni a di Bëibel fuu?

• Faandi mbei a dë fanöudu fuu ta pakisei fundu te u ta lei soni a di Wöutu u Gadu?

• Andi u musu du ku dee soni dee u ta lei?