Unfa wan womi ku hën mujëë di tööu sa mbei soni ta waka möön bunu a di tööu libi u de?

Abahamu ku Sala da sëmbë di u sa djeesi a di tööu libi, u di de bi lobi deseei, nöö de bi ta lesipeki deseei (Ke 12:11-13; 1Pe 3:6). Ma, di tööu libi u de an bi dë söndö booko hedi, söseei sömëni tesi bi miti de a di libi. Andi wan womi ku wan mujëë di tööu sa lei u Abahamu ku Sala?

Un musu ta fan ku unuseei. Piki a wan sutifasi te i manu nasö i mujëë taki wan soni di hati i u di hati fëën boonu (Ke 16:5, 6). Seeka soni fuun ta dë makandi. Be i mujëë nasö i manu si taa i lobi ën ku dee soni dee i ta du, söseei ku dee soni dee i ta taki. Ma di möön fanöudu soni, hën da hii unu tuu musu ta mbei möiti u dë mati ku Jehovah u di woon ta lei soni u Bëibel makandi, ta begi makandi, söseei ta dini Jehovah makandi (Pel 4:12). Wan bunu tööu libi ta tja gafa ko da Jehovah, di Sëmbë di seti di santa soni aki.

LUKU DI FËLÖN UNFA I SA MBEI DI TÖÖU LIBI FII KO MÖÖN BUNU, NÖÖ BAKA DI DË, PIKI DEE HAKISI AKI:

• Andi da wantu soni di i bi si a di fëlön di bi lei taa pikipiki Shaan ku Kaira an bi lobi deseei sö möön?

• Faandi mbei a dë fanöudu taa sëmbë di tööu ta piki deseei unfa de ta fii tuutuu?

• Unfa di woto u Abahamu ku Sala bi heepi Shaan ku Kaira?

• Andi Shaan ku Kaira bi du u di tööu libi u de ko möön bunu?

• Faandi mbei wan womi ku hën mujëë di tööu an musu dë ku di pakisei taa hii juu soni o ta waka bunu a di tööu libi u de?