31 u tanvuuwata-liba–6 u wajamaka-liba
ËKISODESI 21-22
Kanda 141 ku begi
Soni di di fesima o taki a bigi u di komakandi (1 min.)
DEE GUDU DEE DË A DI WÖUTU U GADU
„Lei taa i ta si di libi kumafa Jehovah ta si ën”: (10 min.)
Ëki 21:20—Jehovah ta si di kii di sëmbë ta kii wotowan kuma wan gaan hogi soni (it-2-O bld. 882 pal. 4-6)
Ëki 21:22, 23—Jehovah ta si di libi u wan mii di dë nëën mama bëë dendu kuma wan gaan soni (lv-SR bld. 91 pal. 16)
Ëki 21:28, 29—Jehovah kë fuu ta köni fuu ku wotowan an kisi makei (w10-SR 15/4 bld. 29 pal. 4)
Diki go möön fundu: (10 min.)
Ëki 21:5, 6—Unfa di tëkisi aki ta lei u un wini Keesitu sëmbë ta feni te de buta de libi a Gadu maun? (w10-SR 15/1 bld. 4 pal. 4-5)
Ëki 21:14—Unfa u sa puu di tëkisi aki? (it-1-O bld. 1093 pal. 5-bld. 1094 pal. 7)
Andi i lei a di lesipisi u Bëibel u di wiki aki di nama ku Jehovah, ku di peleikiwooko, nasö andi da wan woto soni di i feni?
Lesipisi u Bëibel: (na pasa 4 min.) Ëki 21:1-21 (th woto 5)
MBEI MÖITI U KO TOON WAN MÖÖN BUNU PELEIKIMA
Te i miti wan sëmbë di fosu pasi: (na pasa 3 min.) Bigi wan takimakandi ku wan sëmbë kumafa a sikifi a di pisi „Fasi fa u sa bigi wan takimakandi”. Kai di sëmbë faa ko a dee komakandi fuu. (th woto 2)
Gobaka: (na pasa 4 min.) Bigi wan takimakandi ku wan sëmbë kumafa a sikifi a di pisi „Fasi fa u sa bigi wan takimakandi”. Baka di dë, taki wantu soni u di fëlön Andi de ta du a wan Könuköndë zali? (th woto 20)
Wan taki: (na pasa 5 min.) w09-O 1/4 bld. 31—Në: Jehovah da di Tata u dee womi mii dee an abi tata. (th woto 19)
DI LIBI FUU KUMA KEESITU SËMBË
Si di libi kumafa Gadu ta si ën: (10 min.) Takimakandi. Pëë di fëlön. Baka di dë, buta dee hakisi aki da dee haikama: Andi sa pasa te wan mujëë dë ku bëë? Unfa di soni di sikifi a Ëkisodesi 21:22, 23 ta heepi u fuu si taa di puu di sëmbë ta puu bëë da wan föutu soni? Faandi mbei u musu abi biibi ku degihati fuu sa du soni di Jehovah ta feni bunu? Unfa di weki di dëdë sëmbë o weki ko a libi baka ta da u kötöhati?
Dee wini dee u ta feni te u buta u libi a Gadu maun: (5 min.) Di taki aki tei puu a di Waktitoren u 15 u jailiba u di jaa 2010, a bladsëidë 4 palaklafu 4-7. Da dee sëmbë dee ta lei soni u Bëibel taanga u buta de libi a Gadu maun, nöö de dopu.
Kemeente Bëibel-lei: (30 min.) jy-SR woto 130
Soni di di fesima o taki a kaba u di komakandi (na pasa 3 min.)
Kanda 15 ku begi