I dë kabakaba u fuu di pampia u go a di Siköö da Könuköndë Peleikima u?

I abi dee jaa u 23 go miti 65 jaa u, nöö i dë a di hii-ten diniwooko u? I abi wan bunu gösöntu, nöö i sa go dini a kamian ka möön peleikima dë fanöudu ö? Ee i piki aai a hii dee hakisi aki, nöö i bi pakisei fëën luku ee i sa fuu di pampia u go a di Siköö da Könuköndë Peleikima u? Sensi di di fosu kalasi bi hoi, hën dusudusu baaa ku sisa di tööu ku baaa ku sisa di an tööu fuu di pampia u go a di siköö aki. Ma tökuseei u abi möön baaa fanöudu di an tööu u go a di siköö aki. Hakisi Jehovah faa heepi i fii ko abi di kë u sa du möön soni u gafëën, söseei u djeesi di Womi Mii fëën (Ps 40:8; Mt 20:28; Heb 10:7). Nöö luku unfa i sa seti soni fii sa go a di siköö aki aluwasi i abi woto faantiwöutu.

Un woto soni dee sëmbë dee bi go a di siköö aki bi sa du a di dini u Jehovah? De bi manda so u dee sëmbë aki go dini a kamian ka de ta fan möön leki wan töngö, nasö u go peleiki ku di bukuwagi a kamian ka hia sëmbë ta waka pasa. Wotowan ta tei kamian da di keling-gaanwomi, nasö de dë keling-gaanwomi seei nasö sëndëlengi. Ee i ta pakisei u du möön soni a di dini u Jehovah, nöö pakisei dee soni di di tjabukama Jesaaja bi taki: „Luku mi aki! Manda mi!”​—Jes 6:8.

LUKU DI FËLÖN DEE SËNDËLENGI TA DU DI KOTI WOOKO, NÖÖ BAKA DI DË, PIKI DEE HAKISI AKI:

• 

  Unfa sëmbë ta ko toon sëndëlengi?

• 

  Un bunu wooko dee sëndëlengi dee ta du di peleikiwooko ta du?

• 

  Andi da so u dee gaan bunu di wan sëmbë ta feni te a ta du di sëndëlengi wooko?