Andi i musu du jeti fii sa dopu?
DI LIBI FUU KUMA KEESITU SËMBË
Dini Jehovah
Ee i da wan sëmbë di ta lei soni u Bëibel, nöö i buta kuma maaka kaa taa i kë dopu ö? Faandi mbei i bi o kë dopu? Te i buta i libi a Jehovah maun, hën i dopu, nöö i ta ko dë wan mati fëën (Ps 91:1). Dee soni dë o mbei i feni tjubi tu (1Pe 3:21). Unfa i sa du dee soni aki?
Mbei möiti fii ko dë sëiki taa disi da di tuutuu biibi. Ee wan soni ko a i pakisei di i kë ko sabi, nöö go öndösuku ën iseei (Lo 12:2). Ko sabi andi da dee soni dee i musu tooka a i libi, nöö tooka dee soni dë u di i kë libi kumafa Jehovah kë taa i musu libi (Nön 27:11; Ef 4:23, 24). Hii juu i musu ta begi ën faa heepi i. I musu abi di biibi taa Jehovah o da i di taanga, söseei a o da i di santa jeje fëën (1Pe 5:10, 11). Na u sösö i ta mbei möiti. Di dini di i ta dini Jehovah da di möön bunu fasi u libi!—Ps 16:11.
LUKU DI FËLÖN DEE SONI DEE I MUSU DU FII SA DOPU, NÖÖ BAKA DI DË, PIKI DEE HAKISI AKI:
Un bookohedi so sëmbë bi musu pasa u de bi sa dopu?
Unfa i sa ko abi di biibi di i abi fanöudu fii sa buta i libi a Jehovah maun?
Andi bi da so sëmbë taanga u de bi sa dopu?
Un gaan bunu dee sëmbë dee buta taa de o dini Jehovah ta feni?
Andi a kë taki u buta i libi a Gadu maun, nöö i dopu?