DI LIBI FUU KUMA KEESITU SËMBË

„Ee i lobi wan sëmbë . . . joo ta suku di bunu pisi fëën nöömö, nöö joo a’ di mëni taa na sö nöö a o dë”

U di u lobi dee baaa ku dee sisa fuu, mbei u kë taa soni musu nango bunu ku de (1Ko 13:4, 7). Boo taa ee wan baaa du wan zöndu, hën de bë wojo dëën, nöö u kë taa a tei di heepi di de kë heepi ën faa kisi hënseei baka. U abi pasensi ku dee baaa ku dee sisa fuu dee suwaki a di biibi, nöö u ta pooba u heepi de (Lo 15:1). Ee wan sëmbë go disa di kemeente, nöö u ta dë ku di pakisei taa wan daka a o toona ko baka.—Lu 15:17, 18.

LUKU DI FËLÖN HOI A PAKISEI TAA TE I LOBI WAN SËMBË—JOO TA SUKU DI BUNU PISI FËËN NÖÖMÖ, NÖÖ JOO A’ DI MËNI TAA NA SÖ NÖÖ A O DË, NÖÖ BAKA DI DË, PIKI DEE HAKISI AKI:

Unfa Abineli bi lei taa a dë wan sëmbë di ta hoi hënseei a wotowan?
Unfa Dafiti bi piki Abineli u di soni di a bi hakisi, nöö unfa Joab hën a bi piki?
Faandi mbei u musu kë u soni waka bunu ku dee baaa ku dee sisa fuu?