Na mbei dee fii fii basi i

U di u da zöndu libisëmbë, mbei u musu ta mbei möiti hii juu fuu ta duwengi dee fii fuu. Ee u ta mbei dee fii fuu ta basi u, nöö di soni dë sa mbei Jehovah an lobi u möön. So sëmbë ta möön lobi soni u njan, soni u bisi, ku tan kamian, möön di lobi di de musu lobi Jehovah. Wotowan ta mbei dee manu ku mujëë fii u de ta mbei de ta du soni di an ta kai ku dee wëti u Gadu (Lo 1:26, 27). Wotowan ta mbei dee pei u de mbei de du soni di an bunu, u di de kë u de lobi de, nasö u tei de kuma mati.​—Ëki 23:2.

Andi u sa du u dee fii fuu an basi u? U musu mbei möiti u ta buta pakisei a soni u Gadu (Mt 4:4). Söseei u musu begi Jehovah faa heepi u fuu duwengi dee fii fuu. Faandi mbei? U di hën sabi andi bunu da u, söseei a sabi andi da di möön bunu fasi fa u sa piizii ku dee fii fuu a wan fasi di fiti.​—Ps 145:16.

LUKU DI FËLÖN NA MBEI SUMUKU POI DI LIBI FII, NÖÖ BAKA DI DË, PIKI DEE HAKISI AKI:

• 

  Faandi mbei so sëmbë ta sumuku?

• 

  Andi sa pasa ku i ee i ta sumuku?

• 

  Faandi mbei di sumuku di sëmbë ta sumuku an dë wan bunu soni?​—2Ko 7:1

• 

  Andi sa heepi i fu ja sumuku nasö fii tapa ku sumuku?