Wan bunu fasi u lei sëmbë soni ku di buku I sa dë waiwai u teego!

I ta wai ku dee fëlön ku dee hakisi dee dë a di buku I sa dë waiwai u teego! u? Ma unfa i feni dee pisi „So sëmbë ta taki taa”, „Pooba di soni aki”, ku „Woto soni di i sa luku”? U woto soni a di buku aki i lobi di sa heepi i a di wooko di u ta du u mbei sëmbë ko toon bakama u Keesitu?​—Mt 28:19, 20.

Dee fëlön ku woto soni u di buku: Ee joo lei sëmbë soni ku di pampia wan u di buku, nöö naasë i sa feni hii dee fëlön ku woto soni u di buku? Ee i abi di buku a tëlëfön, nöö i go a wan u dee fö pisi u di buku. Baka di dë, nöö go a di pisi di dë te a basu ka sikifi „Dee fëlön ku woto soni u di buku”. Te i zin ën, nöö joo si dee në u dee woto, nöö nëën basu joo si hii dee fëlön ku dee woto soni di nama ku di pisi dë. (Luku peentje 1.)

Di fasi fa u sa wooko ku di pisi „Printed Edition”: Ee i ta lei wan sëmbë soni u Bëibel a tëlëfön, nöö i sa wooko ku di pisi de kai „Printed Edition”. Te i dë a wan u dee woto, nöö i sa zin a dee dii lontulontu soni di dë a liba a letisë maun. Baka di dë, nöö i sa zin a „Printed Edition”. Di pisi di o ko o heepi i fii si unfa dee pisipisi u di woto nama ku di në u di woto. Fii sa toona go baka ka i bi dë, nöö i sa toona zin a dee dii lontulontu soni di dë a liba a letisë maun. Baka di dë, nöö zin a „Digital Edition”.

„Mi kaba u?”: A kaba u di buku, tu pisi dë di ta lei andi da dee maaka di wan sëmbë musu dou faa sa go peleiki makandi ku di kemeente, söseei faa sa dopu. (Luku peentje 2.)

Wantu woto soni: A di pisi „möön soni” i sa feni fanöudu soni di nama ku di woto. A di buku fuu di dë a Internet, i sa feni wan link a kaba u hiniwan u dee pisi „Wantu woto soni” di o tja i go baka teka i bi tapa ku di woto. (Luku peentje 2.)