DI LIBI FUU KUMA KEESITU SËMBË
Mbei möiti fii ko ta möön biibi dee soni dee sikifi a di Bëibel
Di Wöutu u Gadu sa tooka u libi (Heb 4:12). Ma ee u kë feni wini u dee lai ku dee soni dee sikifi nëën, nöö u musu biibi taa a dë di „Wöutu u Gadu tuutuu.” (1Te 2:13) Unfa u sa ko ta möön biibi dee soni dee sikifi a di Bëibel?
Lesi wan pisi u di Bëibel hiniwan daka. Te i ta lesi, nöö pooba u si soni di ta lei taa a Jehovah di Bëibel kumutu. Pooba u öndösuku dee soni dee sikifi a di buku Nöngö, nöö luku unfa dee soni dë sa heepi u a di ten aki.—Nön 13:20; 14:30.
Öndösuku wan woto u Bëibel. Mbei möiti u ko sabi dee soni dee ta lei taa Gadu hën mbei sëmbë sikifi di Bëibel. I sa go a di buku Ondrosuku Bijbel moro fini—Gi Yehovah Kotoigi, nöö i go a „Bijbel”, nöö i go a di pisi „Gado gebroiki santa yeye.” I sa ko möön biibi taa dee soni dee sikifi a di Bëibel an tooka, te i öndösuku dee soni dee sikifi a di Waktitoren nr. 4 u 2016.
LUKU DI FËLÖN DI SONI MBEI U TA BIIBI . . . DI WÖUTU U GADU, NÖÖ BAKA DI DË, PIKI DEE HAKISI AKI:
Unfa dee soni di de feni sikifisikifi a di wosu sinkii u Karnak a Egepiti, ta lei u taa dee soni dee sikifi a Bëibel da tuutuu soni?
Unfa u du sabi taa di bosikopu u di Bëibel an tooka?
Unfa di dë di di Bëibel dë te kuma tidë jeti ta lei taa a dë di Wöutu u Gadu?—Lesi Jesaaja 40:8