DI LIBI FUU KUMA KEESITU SËMBË
Mbei möiti u ta si soni kumafa Jehovah ta si soni
U kë u Jehovah ta wai ku hii dee soni dee u ta du (Nön 27:11). Ee u kë Jehovah ta wai, nöö a musu dë u si a dee soni dee u buta taa woo du taa u ta si soni kumafa a ta si soni, aluwasi wëti an dë di ta lei u gbelingbelin andi u musu du. Andi sa heepi u?
I musu abi di guwenti u ta lei soni u Bëibel. Hiniwan juu te u ta lesi di Bëibel, nöö a dë kuma u ta dë makandi ku Jehovah. U sa ko sabi unfa Jehovah ta si soni te u luku unfa a bi libi ku dee sëmbë fëën, söseei te u ta öndösuku woto u sëmbë di bi du soni di Jehovah bi feni bunu ku dee bi du soni di an bi feni bunu. Te u musu du wan soni, nöö di santa jeje sa heepi u fuu toona mëni woto ku mama wëti, di u bi feni di u bi ta lesi di Bëibel.—Jo 14:26.
Öndösuku soni. Te i musu du wan soni, nöö hakisi iseei: ’Un tëkisi nasö un woto a Bëibel sa heepi mi u mi fusutan unfa Jehovah ta si di soni aki?’ Begi Jehovah faa heepi i, nöö wooko ku dee soni dee u abi a di töngö fuu u öndösuku soni u Bëibel, fii sa feni mama wëti di sa lei andi i musu du. Nöö wooko ku dee mama wëti dë.—Ps 25:4.
LUKU DI FËLÖN U MUSU ’TA KULE A DI PASI LIBA NÖÖMÖ’—NJAN GÖSÖNTU SONI, NÖÖ BAKA DI DË, PIKI DEE HAKISI AKI:
Un tesi bi ta miti di njönku sisa a di fëlön?
Unfa u sa wooko ku dee soni dee u abi u ta öndösuku soni u Bëibel, te dee lo’ tesi aki miti u?
Un wini u ta feni te u ta tei ten u öndösuku soni u Bëibel, söseei u lei soni u Bëibel di sa heepi u fuu du soni di bunu?—Heb 5:13, 14