4-10 U GAANLIBA
PSALÖM 16-17
Kanda 111 ku begi | Soni di di fesima o taki a bigi u di komakandi (1 min.)
1. „Jehovah, ju da di sëmbë di ta mbei mi feni bunu”
(10 min.)
Te u dë mati ku dee sëmbë dee ta dini Jehovah, nöö di soni dë ta mbei u ta dë waiwai (Ps 16:2, 3; w18.12 bld. 23 pal. 11)
Di sabi di u sabi taa u ku Jehovah dë mati ta mbei u ta dë waiwai (Ps 16:5, 6; w14-SR 15/2 bld. 29 pal. 4)
Di tjubi di Jehovah ta tjubi u ta mbei wa ta fëëë (Ps 16:8, 9; w08-SR 15/2 bld. 3 pal. 2-3)
U abi wan bunu libi leti kuma Dafiti, u di di dini di u ta dini Jehovah, di sëmbë di ta mbei u feni bunu, da di möön fanöudu soni a u libi.
HAKISI ISEEI DI SONI AKI: ’Unfa libi u mi dë nöunöu baka di mi ko a di tuutuu biibi?’
2. Diki go möön fundu
(10 min.)
Ps 17:8—Andi dee wöutu „wojo mii” kë taki a di Bëibel? (w24.01 bld. 27 pal. 6)
Andi i lei a di lesi pisi u Bëibel u di wiki aki?
3. Lesipisi u Bëibel
(4 min.) Ps 17:1-15 (th woto 5)
4. Fasi fa i sa bigi fan ku wan sëmbë
(1 min.) TE U GO PELEIKI A SËMBË PISI. Da di sëmbë di pampia di u ta paati u kai sëmbë u ko mëni di dëdë u Jesosi. (th woto 11)
5. Fasi fa i sa bigi fan ku wan sëmbë
(3 min.) TE U GO PELEIKI A SËMBË PISI. Da di sëmbë di pampia di u ta paati u kai sëmbë u ko mëni di dëdë u Jesosi. Ee di sëmbë kë sabi möön soni, nöö taki soni u di fëlön Mëni di dëdë u Jesosi. (th woto 9)
6. Fasi fa i sa bigi fan ku wan sëmbë
(2 min.) TE I MITI WAN SËMBË A WAN KAMIAN. Da di sëmbë di pampia di u ta paati u kai sëmbë u ko mëni di dëdë u Jesosi. (th woto 2)
7. Heepi sëmbë u de ko dë bakama u Jesosi
(5 min.) lff woto 14 andi woo lei ku pisi 1-3 (th woto 6)
Kanda 20
8. Unfa u sa seeka useei da di mëni di woo mëni di dëdë u Jesosi?
(15 min.) Takimakandi.
U kë lei taa u ta piki Jesosi buka, u di woo mëni di dëdë fëën a sonde 24 u gaanliba. Woo mëni di lobi di Jehovah ku di Womi Mii fëën lei taa de lobi u gaanfa seei, nöö sëmbë an dë di lobi u kuma de (Lu 22:19; Jo 3:16; 15:13). Unfa u sa seeka useei da di apaiti komakandi aki?
Peleiki fajafaja a di pisiten te woo paati di pampia u kai sëmbë u ko haika di apaiti taki, söseei u ko mëni di dëdë u Jesosi. Sikifi ambë ku ambë i kë kai. Ee so u dee sëmbë an ta libi a di pisiwata fii, nöö go a jw.org u luku di juu ku di kamian ka de o hoi di komakandi aki a di pisiwata u de
A gaanliba ku piki-deewei-liba i sa peleiki möön hia a di peleikiwooko. I si kuma i sa buta u du di heepi pioniliwooko a dee liba dë u, ka i sa wooko 15 juu nasö 30 juu ö?
A 18 u gaanliba, i sa bigi lesi dee fanöudu soni dee bi pasa a di libi u Jesosi, a dee lasiti wiki dee a bi dë a goonliba. I sa luku un hia joo o ta lesi hiniwan daka, a „Di skeima u 2024 u dee pisi u Bëibel dee u musu lesi dee nama ku di dëdë u Jesosi”, di dë a bladsëidë 6-7
A di daka di woo mëni di dëdë u Jesosi, woo luku wan apaiti daka wöutu a jw.org
Tei dee sëmbë ku wai dee o ko mëni di dëdë u Jesosi u di fosu pasi, söseei dee sëmbë dee an ta peleiki möön. Dë kabakaba u piki dee hakisi u de baka di komakandi. Toona go a dee sëmbë baka dee bi ko a di komakandi, u lei de möön soni
Pakisei fundu u di lusupaima ufö u mëni di dëdë u Jesosi, söseei baka te u mëni ën
Pëë di FËLÖN Mëni di dëdë u Jesosi. Baka di dë, nöö buta di hakisi aki da dee haikama:
Unfa u sa wooko ku di fëlön aki a di pisiten te woo ta paati di pampia u kai sëmbë u de ko mëni di dëdë u Jesosi?
9. Kemeente Bëibel-lei
(30 min.) bt-SR woto 6 pal. 18-24, ku di pisi a bld. 54