2-8 U WAJAMAKA-LIBA

PSALÖM 79-81

Kanda 29 ku begi | Soni di di fesima o taki a bigi u di komakandi (1 min.)

DEE GUDU DEE DË A DI WÖUTU U GADU

1. Lei taa i lobi di në u Jehovah

(10 min.)

Na du soni di o poi Jehovah në (Ps 79:9; w17.02 bld. 10 pal. 5)

I musu ta kai di në u Jehovah (Ps 80:18; ijwbv 3 pal. 4-5)

Jehovah o mbei dee sëmbë dee ta piki hën buka feni gaan hia bunu, u di de lobi di në fëën (Ps 81:13, 16)

Wan baaa ta da wan womi di hën ku ën ta wooko a di wan kamian a böö juu wan jw.org kaita. — Ee u kë tja gafa ko da di në u Jehovah ku di fasi fa u ta tja useei, nöö u musu mbei sëmbë sabi taa u da wan Kotoigi fëën

2. Diki go möön fundu

(10 min.)

Ps 79:9—Na un ten u sa dë ku di mëni taa Jehovah o haika dee begi fuu? (w06-SR 15/7 bld. 12 pal. 5)

Di piki fii
Andi i lei a di lesipisi u Bëibel u di wiki aki?

Di piki fii

3. Lesipisi u Bëibel

(4 min.) Ps 79:1–80:7 (th woto 10)

MBEI MÖITI U KO TOON WAN MÖÖN BUNU PELEIKIMA

4. Fasi fa i sa bigi fan ku wan sëmbë

(1 min.) TE U GO PELEIKI A SËMBË PISI. Hakisi di sëmbë ee a kë lei soni u Bëibel. (lmd woto 4 pisi 4)

5. Fasi fa i sa bigi fan ku wan sëmbë

(3 min.) TE I MITI WAN SËMBË A WAN KAMIAN. Hakisi di sëmbë ee a kë lei soni u Bëibel. (lmd woto 4 pisi 3)

6. Fasi fa i sa bigi fan ku wan sëmbë

(2 min.) TE I TA PELEIKI A KAMIAN KA HIA SËMBË TA WAKA PASA. Hakisi di sëmbë ee a kë lei soni u Bëibel. (lmd woto 3 pisi 3)

7. Gobaka

(5 min.) TE U GO PELEIKI A SËMBË PISI. Hakisi wan sëmbë di bi kë sabi möön soni, ma di an bi kë fuu lei ën soni u Bëibel a di ten di pasa, ee a kë lei soni u Bëibel. (lmd woto 8 pisi 3)

DI LIBI FUU KUMA KEESITU SËMBË

Kanda 10

8. „De o mbei di në u mi ko santa”

(15 min.) Takimakandi.

A di djai u Eden, Saatan bi bigi mindi soni u poi Jehovah në. Sensi di ten dë, hën di santa di di në u Jehovah musu ko santa ko dë di möön fanöudu soni, nöö libisëmbë ku dee ëngëli tuu musu lei ee de o lesipeki di në u Jehovah nasö ee de an o lesipeki ën.

Luku wantu u dee hogihati soni di Saatan mindi da Jehovah. Saatan taki taa Jehovah da wan hogihati tiima, nöö an lobi sëmbë (Ke 3:1-6; Jöpu 4:18, 19). A taki taa dee sëmbë dee ta dini Jehovah an lobi ën tuutuu (Jöpu 2:4, 5). Saatan mbei taa milionmilion sëmbë an ta biibi taa Jehovah hën mbei di hanse goonliba di u dë nëën aki.—Lo 1:20, 21.

Unfa dee soni dee Saatan mindi da Jehovah ta mbei i fii? An dë u taki taa dee soni aki kë mbei i hopo fan da Jehovah! Jehovah bi sabi taa dee sëmbë fëën bi o kë hopo fan dëën u lei taa mindi Saatan mindi soni dëën. (Luku Jesaaja 29:23.) Unfa i sa heepi du di soni aki?

Heepi sëmbë u de ko sabi Jehovah, söseei u de ko lobi ën (Jo 17:25, 26). Dë kabakaba u lei sëmbë soni di ta lei taa Jehovah dë tuutuu, söseei konda dee fasi fëën dee a abi da de.—Jes 63:7
Lobi Jehovah ku hii i hati (Mt 22:37, 38). I musu ta hoi dee wëti u Jehovah. Nöö ja musu ta hoi de u di de o tja wini ko da i nöö, ma i musu ta hoi de u di i kë u Jehovah ta dë waiwai.—Nön 27:11

Dee peentje: Wan pisi u di fëlön „Lobi an o kaba möönsö . . . aluwasi i nango a wan siköö ka de an abi lesipeki da dee wëti u Gadu.” 1. Ariel dë sindosindo a kalasi, hën wan womi mii ta lei finga go nëën, nöö di womi mii ta hakisi ën faandi mbei an ta da di faaka odi. 2. A ta öndösuku soni a di Bëibel, nöö a ta lei soni a woto 61 u di buku „Moi les di yu kan leri fu Bijbel”. 3. A ta konda soni u di biibi fëën a hii di kalasi fesi. 4. Wan mii u di kalasi u Diego kë dëën wan tabaku u sumuku. 5. A ta wooko ku wan tablet u öndösuku soni. 6. A ta waka kumutu a di siköö, nöö a dë waiwai.

Pëë di FËLÖN Lobi an o kaba möönsö . . . aluwasi i nango a wan siköö ka de an abi lesipeki da dee wëti u Gadu. Baka di dë, buta dee hakisi aki da dee haikama:

Unfa Ariel ku Diego bi hopo taki da di në u Jehovah?

Di piki fii
Andi bi da de degihati u hopo taki da Jehovah?

Di piki fii
Unfa i sa djeesi de?

Di piki fii

9. Kemeente Bëibel-lei

(30 min.) bt-SR woto 15 pal. 1-7 ku dee soni dee woo lei a pisi 6