18-24 U ËLUFUMU-LIBA
PSALÖM 107-108
Kanda 7 ku begi | Soni di di fesima o taki a bigi u di komakandi (1 min.)
1. „Da Jehovah tangi, biga a abi bunuhati”
(10 min.)
Leti kumafa Jehovah bi puu dee Isaëli sëmbë dee bi dë a katibo a Babilon, sö nöö Jehovah puu u a di goonliba u Saatan aki (Ps 107:1, 2; Kol 1:13, 14)
Di tei di u ta tei dee soni dee Jehovah du da u u bigi, ta mbei taa u ta gafëën a di kemeente (Ps 107:31, 32; w07-SR 15/4 bld. 20 pal. 2)
Woo möön tei dee soni dee Jehovah du da u u bigi seei, te u ta pakisei fundu u dee soni dë (Ps 107:43; w15 15/1 bld. 4 pal. 4)
2. Diki go möön fundu
(10 min.)
Ps 108:13—Unfa u sa feni kaakiti baka, te u ta fii bookosaka? (w23.10 bld. 17 pal. 20)
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Ps 107:1-28 (th woto 5)
4. Fasi fa i sa bigi fan ku wan sëmbë
(3 min.) TE I MITI WAN SËMBË A WAN KAMIAN. (lmd woto 1 pisi 4)
5. Gobaka
(4 min.) TE I MITI WAN SËMBË A WAN KAMIAN. Konda dëën taa u ta lei sëmbë soni u Bëibel, nöö dëën di kaita ka a sa hakisi u wan sëmbë ko lei ën soni u Bëibel. (lmd woto 9 pisi 3)
6. Wan taki
(5 min.) g04-SR 22/4—Në: Andi i sa du fu ja ta pakisei soni di an bunu? (th woto 14)
Kanda 46
7. U ta kanda u da Jehovah tangi
(15 min.) Takimakandi.
Baka di Jehovah bi heepi dee Isaëli sëmbë a di Bë Ze, di dee Egepiti sëmbë bi ta ko u ko du ku de, hën de bi kanda wan kanda ku hii de hati da Jehovah u lei taa de bi tei ën u bigi taa a heepi de (Ëki 15:1-19). Dee womi fosu hën bi bigi kanda di njunjun kanda aki (Ëki 15:21). Jesosi ku dee Keesitu sëmbë u fesiten seei bi ta kanda ta gafa Jehovah tu (Mt 26:30; Kol 3:16). Boo ta lei nöömö taa u ta tei dee soni dee Jehovah ta du da u u bigi, u di woo ta kanda a dee komakandi, a dee keling-komakandi, ku dee könklësi fuu. Kuma di kanda di u bi kanda djunsu dë, „Jehovah, u ta da i tangi”, da wan kanda di u guwenti kanda a dee komakandi fuu sensi di jaa 1966.
A sö köndë, womi ta sen u kanda a sëmbë dendu. Wotowan an ta kë kanda, u di de ta si kuma töngö u de an suti tjika u de kanda. Ma tökuseei, u musu hoi a pakisei taa di kanda di u ta kanda a dee komakandi da wan pisi u di dini di u ta dini Gadu. Di ölganisaasi u Jehovah ta du hii soni di de sa du u seeka soni da u fuu sa ta kanda a hiniwan komakandi. Di soni di u musu du an taanga, hën da u musu kanda makandi ku wan taanga töngö da di Tata fuu di dë a liba ala.
Pëë di FËLÖN Di ölganisaasi u Jehovah nango a fesi—Kanda da wan kado, Pisi 2. Baka di dë, nöö buta dee hakisi aki da dee haikama:
Andi da wan apaiti soni di bi pasa a di jaa 1944?
Unfa dee baaa ku dee sisa fuu u Sibelia bi lei taa de bi ta tei dee Könuköndë kanda u bigi?
Faandi mbei kanda dë wan gaan fanöudu soni da dee Jehovah Kotoigi?
8. Kemeente Bëibel-lei
(30 min.) bt-SR woto 18 pal. 6-15