30 U TUWALUFUMU-LIBA U 2024–5 U JAILIBA U 2025

PSALÖM 120-126

Kanda 144 ku begi | Soni di di fesima o taki a bigi u di komakandi (1 min.)

DEE GUDU DEE DË A DI WÖUTU U GADU

Dee Isaëli sëmbë ta koti dee njanjan a dee goon u de, nöö de dë waiwai seei. — Dee Isaëli sëmbë dee bi kumutu a katibo a Babilon ta koti njanjan a dee goon u de waiwai seei, u di Jehovah bi mbei de feni wini u di taanga wooko u de

1. De paandi ku wata a wojo, ma de koti ku piizii

(10 min.)

Dee Isaëli sëmbë bi wai seei di de bi kumutu a Babilon toona go baka a de köndë u go seti di tuutuu biibi baka (Ps 126:1-3)

A kan taa dee Isaëli sëmbë dee bi toona go a Judea bi këë u di dee wooko di de bi musu du bi taanga da de (Ps 126:5; w04-SR 1/6 bld. 16 pal. 10)

Dee Isaëli sëmbë bi hoi dou, fëën mbei Gadu bi mbei soni waka bunu da de (Ps 126:6; w21.11 bld. 24 pal. 17; w01-SR 15/7 bld. 18-19 pal. 13-14; luku di u di kafiti)

Dee Isaëli sëmbë ta wooko taanga a di köndë. Wan womi ta jaa sii a goon, nöö wan wotowan ta wooko di goon.

PAKISEI FUNDU U DI SONI AKI: Baka Amagedon, te woo ko fii u di hogi goonliba aki, nöö andi ku andi o taanga da u te woo seeka hii soni ko bunu baka? Ma te u kaba fëën, un wini woo feni?

2. Diki go möön fundu

(10 min.)

Ps 124:2-5—U musu dë ku di mëni taa Jehovah o du foombo soni u tjubi u leti kumafa a bi tjubi dee Isaëli sëmbë u? (cl-SR bld. 73 pal. 15)

Di piki fii
Andi i lei a di lesipisi u Bëibel u di wiki aki?

Di piki fii

3. Lesipisi u Bëibel

(4 min.) Ps 124:1–126:6 (th woto 5)

MBEI MÖITI U KO TOON WAN MÖÖN BUNU PELEIKIMA

4. Fasi fa i sa bigi fan ku wan sëmbë

(3 min.) TE I TA PELEIKI A KAMIAN KA HIA SËMBË TA WAKA PASA. (lmd woto 3 pisi 5)

5. Gobaka

(4 min.) TE U GO PELEIKI A SËMBË PISI. Di i bi miti di sëmbë di fosu pasi, hën a bi piki i taa an ta kaba biibi di Bëibel. (lmd woto 9 pisi 5)

6. Heepi de u de ko dë bakama u Jesosi

(5 min.) lff woto 16 andi woo lei ku pisi 1-3 (lmd woto 11 pisi 3)

DI LIBI FUU KUMA KEESITU SËMBË

Kanda 155

7. Piizii u di Gadu paamusi u taa woo libi bööböö

(15 min.) Takimakandi.

Dee soni dee Jehovah bi paamusi dee Isaëli sëmbë dee bi kumutu a Babilon bi pasa tuutuu. A bi mbei de ko fii, söseei a bi da de paadon u dee föutu di de bi mbei (Jes 33:24). A bi tjubi de ku dee mbeti u de u lëun ku woto hogi mbeti an kii de, biga dee mbeti dë bi ko hia a di köndë, u di sömëni jaa longi sëmbë an bi libi a di köndë (Jes 65:25). De bi sa libi a dee wosu di deseei bi mbei, söseei de bi sa njan dee fuuta di deseei bi paandi (Jes 65:21). Gadu bi mbei soni waka bunu da de, u di de bi wooko taanga, nöö de bi libi longi.—Jes 65:22, 23.

Wan pisi u di fëlön „Piizii u di Gadu paamusi u taa woo libi bööböö—Wan sati pisi u di fëlön.” Dee peentje: 1. Dee baaa ku dee sisa ta njan makandi a döö. 2. Wan footoo u dee kuun ku dee matu. 3. Di tjabukama Daniëli weki ko a libi baka, nöö a ta waka a wan matu dendu. 4. Wan womi ku hën mujëë ta baasa di mujëë mii u de di weki ko a libi baka. 5. Tookatooka fuuta ku guluntu. 6. Wan hei kamian ka wata ta kule ta kai.

Pëë di FËLÖN Piizii u di Gadu paamusi u taa woo libi bööböö—Wan sati pisi u di fëlön. Baka di dë, nöö buta dee hakisi aki da dee haikama:

Unfa dee tjabukama woto dee u si a di fëlön ta pasa nöunöu a di ten fuu aki?

Di piki fii
Unfa de o pasa tuutuu a di njunjun goonliba?

Di piki fii
Undi u dee tjabukama woto aki i bi o kë si seei fa a ta pasa?

Di piki fii

8. Kemeente Bëibel-lei

(30 min.) bt-SR woto 20 pal. 8-12, ku di pisi a bld. 183