17-23 U GAANLIBA
NÖNGÖ 5
Kanda 122 ku begi | Soni di di fesima o taki a bigi u di komakandi (1 min.)
1. Kule da fanafiti libi a di së u manu ku mujëë soni
(10 min.)
Fanafiti libi a di së u manu ku mujëë soni sa dë wan soni di hati fuu sa kë manda u fuu du (Nön 5:3; w00-SR 15/7 bld. 29 pal. 1)
Fanafiti libi a di së u manu ku mujëë soni, ta tja sen ku tjali ko da sëmbë (Nön 5:4, 5; w23.06 bld. 22-23 pal. 9-10)
Kule da fanafiti libi a di së u manu ku mujëë soni (Nön 5:8; w15 1/6 bld. 19-20 pal. 8-10)
Wan njönku sisa an kë da wan womi mii di tëlëfön nöbu fëën
2. Diki go möön fundu
(10 min.)
Nön 5:18, 19—Unfa Jehovah ta si di duumi di womi ku mujëë ta duumi ku deseei? (lff woto 41 pisi 1)
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Nön 5:1-23 (th woto 5)
4. Fasi fa i sa bigi fan ku wan sëmbë
(3 min.) TE I TA PELEIKI A KAMIAN KA HIA SËMBË TA WAKA PASA. Kai wan sëmbë di an kiija ku keiki faa ko mëni di dëdë u Jesosi, nöö lei ën a jw.org ka a sa feni wan kamian ka de o mëni di dëdë u Jesosi, di dë zuntu ku ka a ta libi. (lmd woto 6 pisi 4)
5. Gobaka
(4 min.) TE U GO PELEIKI A SËMBË PISI. Di i bi miti di sëmbë di fosu pasi, nöö a bi tei di pampia di u ta paati u kai sëmbë u ko mëni di dëdë u Jesosi, söseei a bi kë sabi möön soni. (lmd woto 9 pisi 5)
6. Heepi de u de ko dë bakama u Jesosi
(5 min.) lff woto 16 andi i lei?, andi i bi o piki?, ku pooba di soni aki. Te di sëmbë di i ta lei soni u Bëibel hakisi i ee Jesosi bi tööu, nöö lei ën unfa hënseei sa öndösuku soni fa sa feni di piki. (lmd woto 11 pisi 4)
Kanda 121
7. Pakisei a fesi andi i sa du fii sa köni ku fanafiti libi a di së u manu ku mujëë soni te i ta lei sabi wan sëmbë
(15 min.) Takimakandi.
U sa taki taa hiniwan soni di wan womi ku wan mujëë ta du di ta lei taa de lobi deseei nasö taa de kë deseei, kë taki taa lei de ta lei sabi deseei dë kaa. De sa ta du di soni aki te de dë a sëmbë dendu nasö te de dë de wanwan, nasö te de ta fan a tëlëfön, nasö te de ta manda bosikopu da deseei. Dee Jehovah Kotoigi sabi taa te tu sëmbë ta du di soni aki, nöö de an ta du ën u piizii hedi, ma de ta du ën u lei ko sabi deseei, u luku ee de sa tööu ku deseei. De an ta si ën kuma wan pëëpëë soni. Andi da wantu soni di sa heepi sëmbë di ta lei sabi deseei, aluwasi de njönku nasö de gaandi, u de köni ku fanafiti libi a di së u manu ku mujëë soni?—Nön 22:3.
Pëe di FËLÖN Seeka iseei da di tööu libi—Pisi 1: Mi dë kabakaba u lei ko sabi wan sëmbë u?—Sati pisi. Baka di dë, buta dee hakisi aki da dee haikama:
Faandi mbei an bi o dë wan köni soni u bigi lei sabi wan sëmbë, hii fa i sabi taa ja kaba u tööu jeti? (Nön 13:12; Lu 14:28-30)
Andi i bi lobi a di fasi fa dee gaansëmbë u Lily bi heepi ën?
Lesi Nöngö 28:26. Baka di dë, buta dee hakisi aki da dee haikama:
Unfa wan womi ku wan mujëë di an tööu jeti sa seeka soni a fesi u de an ta dë de wanwan, sö taa de an duumi ku deseei?
Faandi mbei a dë wan bunu soni u taki a fesi andi woon ta du ku andi wan o ta du, te woon ta kai lobi ku unuseei, kuma di panjan di woon ta panjan unuseei a maun, söseei ta bosi unuseei?
Lesi Efeise 5:3, 4. Baka di dë, buta di hakisi aki da dee haikama:
Ku andi wan womi ku wan mujëë di an tööu jeti musu ta köni te de ta fan a tëlëfön nasö a Internet?
8. Kemeente Bëibel-lei
(30 min.) bt-SR woto 24 pal. 1-6