29 U WAJAMAKA-LIBA–5 U TINIMU-LIBA
PELEIKIMA 3-4
Kanda 93 ku Begi | Soni di di fesima o taki a bigi u di komakandi (1 min.)
Un du soni makandi, nöö un wooko makandi ku Jehovah
1. Du soni u di tööu libi fii ko möön bunu
(10 min.)
Un musu ta buta ten a wan së fuun ta fan (Pel 3:1; w08-SR 1/5 bld. 10-11 pal. 6-7)
Un musu ta du soni makandi (Pel 4:9; w23.05 bld. 23-24 pal. 12-14)
Un musu ta du soni fuun ku Jehovah ko dë möön gaan mati (Pel 4:12; w23.05 bld. 20 pal. 3)
HAKISI ISEEI DI SONI AKI: ’Andi sa pasa ku di tööu libi u mi ee mi nango disa di sëmbë di mi ku ën tööu wan hii pisiten, u di mi musu go wooko a wan woto kamian nasö u wan woto soni hedi?’
2. Diki go möön fundu
(10 min.)
Pel 3:11—Un woto soni ta lei u taa Gadu an bi mbei libisëmbë u de dëdë? (w22.12 bld. 4 pal. 7)
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Pel 4:1-16 (th woto 2)
4. Fasi fa i sa bigi fan ku wan sëmbë
(3 min.) TE U GO PELEIKI A SËMBË PISI. Wooko ku Di Hei Wakitimawosu Nö. 1 u 2025 u bigi wan takimakandi ku wan sëmbë. Tooka di soni di i bi seeka u taki, nöö taki u wan woto soni di di sëmbë kë sabi. (lmd woto 2 pisi 5)
5. Gobaka
(4 min.) TE I MITI WAN SËMBË A WAN KAMIAN. Hakisi wan sëmbë di i bi da di Di Hei Wakitimawosu Nö. 1 u 2025, ee a kë lei soni u Bëibel. (lmd woto 9 pisi 4)
6. Wan taki
(5 min.) lmd woto fanöudu soni 1 pisi 12—Në: Gadu ta du soni a wan leti fasi, nöö an ta luku fesi. (th woto 19)
Kanda 131
7. Te un abi bookohedi a di tööu libi fuunu, nöö be Jehovah heepi unu
(15 min.) Takimakandi.
Jehovah ta da Keesitu sëmbë di tööu hii soni di de abi fanöudu, u de ta dë waiwai a di tööu libi u de. Ma tökuseei, te na ten, sëmbë di tööu o ta abi bookohedi a di tööu libi u de (1Ko 7:28). Ee de an ta mbei möiti u seeka dee bookohedi aki, nöö de sa mbei de an ta dë waiwai möön, söseei de sa ko ta si kuma di dë di de dë ku deseei an dë fanöudu möön. Andi i musu du ee i abi dee bookohedi aki a di tööu libi fii?
Di fëlön Andi da tuutuu lobi?, da wan woto u tu njönku sëmbë di bi tööu, di bi abi gaan bookohedi a di tööu libi u de. I ta mëni jeti andi di tata bi piki di mujëë mii fëën di a bi ta seeka u du wan soni söndö faa pakisei andi Jehovah kë faa du ö?
Pëë di FËLÖN Andi da tuutuu lobi?—Wan sati pisi. Baka di dë, buta di hakisi aki da dee haikama:
Faandi mbei u musu mbei Jehovah tii u te u ku di sëmbë di u ku ën tööu abi wan bookohedi?—Jes 48:17; Mt 19:6
Ee un ta abi gaan bookohedi a di tööu libi fuunu, nöö un musu ta du soni fuun ku Jehovah ko dë möön gaan mati. Soni kuma begi, nango a dee komakandi, lei soni a di Bëibel, söseei nango a di peleikiwooko. Wooko ku dee mama wëti u Bëibel u seeka dee bookohedi fuunu, nöö un suku soni a dee buku fuu di o heepi unu fuun si di bookohedi fuunu kumafa Jehovah ta si ën. Te un ta du sö, nöö un ta lei Jehovah taa un kë faa heepi unu.—Nön 10:22; Jes 41:10.
Pëë di FËLÖN Na mbei di goonliba u Saatan ganjan i taa de o mbei i feni bööböö libi!—Darrel ku Deborah Freisinger. Baka di dë, buta di hakisi aki da dee haikama:
Andi i lei a di woto u famii Freisinger u di fasi fa i musu du soni te i abi gaan bookohedi a di tööu libi fii?
8. Kemeente Bëibel-lei
(30 min.) lfb-SR woto 22, dee soni dee woo lei a pisi 5 ku woto 23