13-19 U TINIMU-LIBA
PELEIKIMA 7-8
Kanda 39 ku begi | Soni di di fesima o taki a bigi u di komakandi (1 min.)
1. „A möön bunu u go a wan wosu ka sëmbë ta tjali”
(10 min.)
I musu ta da dee sëmbë dee ta tjali kötöhati (Pel 7:2; w22.01 bld. 16 pal. 9)
Taki u dee bunu fasi u di sëmbë di dëdë, fii sa da dee sëmbë fëën kötöhati (Pel 7:1; w19.06 bld. 23 pal. 15)
Begi makandi ku dee sëmbë dee ta tjali (w17.07 bld. 13 pal. 16)
HOI DI SONI AKI A PAKISEI: Dee sëmbë dee ta tjali u di wan sëmbë u de dëdë, abi taanga ku heepi fanöudu baka wan pisiten jeti, u dee baaa ku dee sisa.—w17.07 bld. 13 pal. 17-18.
2. Diki go möön fundu
(10 min.)
Pel 7:20-22—Unfa dee Bëibel tëkisi aki sa heepi u fuu sabi ee a dë fanöudu fuu go fan ku wan sëmbë di du wan soni nasö taki wan soni di hati u? (w23.03 bld. 31 pal. 18)
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Pel 8:1-13 (th woto 10)
4. Fasi fa i sa bigi fan ku wan sëmbë
(2 min.) TE I TA PELEIKI A KAMIAN KA HIA SËMBË TA WAKA PASA. Mbei möiti u ko sabi un woto di sëmbë möön lobi, nöö seeka soni fii go nëën baka. (lmd woto 2 pisi 4)
5. Fasi fa i sa bigi fan ku wan sëmbë
(2 min.) TE I MITI WAN SËMBË A WAN KAMIAN. (lmd woto 2 pisi 3)
6. Gobaka
(2 min.) TE U GO PELEIKI A SËMBË PISI. Lei di sëmbë wan soni a di website fuu, jw.org. (lmd woto 9 pisi 4)
7. Konda andi i ta biibi da wotowan
(5 min.) Wan demo. lff woto 29 pisi 4-5—Në: Na biibi dee mindimindi woto di sëmbë ta taki te sëmbë dëdë (th woto 17)
Kanda 151
8. Du soni fii ko ta möön biibi taa dee sëmbë dee dëdë o weki ko a libi baka
(15 min.) Takimakandi.
Di paamusi di Jehovah paamusi u taa a o weki dee sëmbë dee dëdë ko a libi baka, da wan u dee gaan soni di a o du da u. Di soni aki ta lei u soni u dee fasi u Jehovah kuma, di kaakiti fëën, di köni fëën, di tjalihati fëën, ku di lobi di a lobi hiniwan fuu apaiti.—Jo 3:16.
Te u ta möön biibi taa sëmbë di dëdë o weki ko a libi baka, nöö di soni dë sa heepi u fu wa ta buta pakisei poi a dee fuka fuu (2Ko 4:16-18). Di soni aki sa mbei u dë bööböö, söseei a sa mbei u feni kötöhati tu, aluwasi sëmbë ta du ku u nasö aluwasi u dë ku wan suwaki, nasö aluwasi sëmbë fuu dëdë (1Te 4:13). Wa o sa ta dë waiwai tuutuu ee wa ta biibi taa dee sëmbë dee dëdë o weki ko a libi baka (1Ko 15:19). A bi o dë wan bunu soni fii pooba u du soni, fii ko ta möön biibi taa sëmbë di dëdë o weki ko a libi baka!
Lesi Johanisi 11:21-24. Baka di dë, buta dee hakisi aki da dee haikama:
Unfa Maita bi lei taa a bi ta biibi tuutuu taa sëmbë di dëdë o weki ko a libi baka?
Un bunu a bi feni u di a bi abi biibi?—Jo 11:38-44
Pëë di FËLÖN Djeesi dee mujëë dee bi abi wan taanga biibi!—Maita. Baka di dë, buta dee hakisi aki da dee haikama:
Faandi mbei di weki di sëmbë o weki ko a libi baka da wan gaan fanöudu soni da i?
Andi i sa du u di biibi di i ta biibi taa sëmbë o weki ko a libi baka an ko suwaki?
9. Kemeente Bëibel-lei
(30 min.) lfb-SR woto 26-27