Hoi Bëibel tëkisi a hedi

So juu a ta taanga da i fii hoi wan Bëibel tëkisi di i bi lesi sömëni pasi kaa a hedi ö? A sa dë wan Bëibel tëkisi di bi da i kötöhati, di bi heepi i fii tooka di fasi fa i ta pakisei, nasö wan tëkisi di i bi o kë konda da wotowan (Ps. 119:11, 111). Boo luku wantu soni di sa heepi i fii hoi Bëibel tëkisi a hedi.

• Wooko ku di soni di de ta kai taga di dë a di JW Library^® app. Te i lesi wan Bëibel tëkisi di i bi o kë hoi a hedi, nöö i maakëën ku di soni dë buta a di JW Library® app, sö taa i sa feni ën hesihesi baka.

• Sikifi di tëkisi buta a wan kamian ka i sa ta si ën hii juu. Sikifi di tëkisi di i kë hoi a hedi buta a wan pampia, nöö i butëën a bandja së u di sipei fii. So sëmbë ta butëën a di ëisikasi döö u de. Wotowan ta mbei wan footoo u di tëkisi, nöö de butëën kuma peentje a di tëlëfön fesi nasö di computer u de fesi.

• Sikifi di tëkisi buta a wan piki pisi pampia. Sikifi di në u di buku u Bëibel, di kapitë, ku di vers buta a fesi u di pampia, nöö sikifi dee wöutu u di tëkisi buta a baka u di pampia. Luku di pisi ka i bi sikifi di në u di buku u Bëibel, di kapitë, ku di vers, nöö i pooba u mëni dee wöutu u di tëkisi, nasö luku di pisi ka dee wöutu sikifi, nöö i pooba u mëni naasë u Bëibel a sikifi.