Dee woto u di buku aki

A dee jaa dee pasa, u ta si taa möönmöön sëmbë di de kiija a peipei fasi, söseei di kumutu a peipei köndë, ta ko a dee kemeente fuu. Di fosu woto o heepi u fuu libi bunu ku woto köndë sëmbë, söseei fuu tei de ku wai a di kemeente fuu. Di u tu woto o lei u andi dee sëmbë dee go heepi a wan kemeente ka de ta fan wan woto töngö, sa du u de ku Jehovah sa dë mati u nöömö.

Hebelejën 11:1 ta taki u tu soni di ta lei u andi da biibi. Di fosu woto ta lei u unfa u sa ko abi wan taanga biibi, söseei unfa u sa abi sö wan biibi u nöömö. Di u tu woto ta lei u taa na te u ta fusutan dee bunu soni dee Jehovah paamusi u, hën da u abi biibi kaa.