Dee woto u di buku aki

Keesitu sëmbë musu ta lesipeki wotowan, nöö de musu ta gafa de tu. A di woto aki woo luku ambë u musu ta gafa, söseei faandi mbei a fiti fuu ta gafa de tu. Woo si tu un wini u ta feni te u ta gafa wotowan.

Di Bëibel ta taki taa hiniwan sëmbë musu taki andi a kë du. Andi o heepi u fuu du soni a wan köni fasi? A ta dë fanöudu so juu fuu tooka wan soni di u bi buta taa woo du ö? Di woto aki o heepi u fuu feni di piki u dee hakisi aki.

Hii u tuu ta mbei föutu u di u da zöndu libisëmbë. Ma di soni aki kë taki taa wa sa du soni di ta kai ku Jehovah u? A dee tu woto aki woo taki u fö könu u Juda, söseei woo taki u dee föutu di de bi mbei. So u dee soni di de bi ta du da gaan hogi soni seei. Tökuseei Jehovah bi ta si de kuma könu di bi ta dini ën ku hii de hati. Gadu o si u kuma sëmbë di ta dini ën ku hii u hati, hii fa u ta mbei föutu ö?