Dee woto u di buku aki

Un mëni soni i soi a Jehovah fesi? I ta du hii soni di i sa, u du dee soni dee i soi ö? Unfa a dë ku di buka di i mbei di i bi buta i libi a Gadu maun, söseei di i tööu? A di woto aki woo lei soni u di woto u Jefita ku di woto u Hana dee bi hoi deseei a di soi di de bi soi a Jehovah fesi. Di soni aki o heepi u fuu hoi useei a dee soni dee u soi da Jehovah.

U lo’ u pakisei dee soni dee Jehovah o da u a di Paladëisi. Ma a di woto aki woo taki u fö soni di Jehovah o puu, sö taa u sa libi bööböö, söseei fuu sa libi waiwai a goonliba. Di woto aki o taanga di biibi fuu, söseei a o heepi u fuu dë kabakaba u hoi dou.

Te u si kuma de an kuutu u a wan leti fasi, söseei te u si taa de an kuutu wan wotowan a wan leti fasi, nöö a sa taanga da u fuu lei taa u abi biibi ku sakafasi, söseei a sa taanga da u fuu hoi useei a Jehovah. A dee woto aki woo taki u dii woto di dë a Bëibel di sa heepi u fuu djeesi Jehovah a di fasi fa a ta kuutu soni a wan leti fasi.

Hii fa Jehovah an abi na wan soni fuu fanöudu, tökuseei a ta wai te a ta si taa u ta mbei möiti u heepi di tii fëën. A Kuutuma kapitë 4 ku 5 woo lei taa Jehovah ta tei ën u bigi te u dë kabakaba u dini ën, söseei te u ta du andi a ta piki u.